18 વર્ષના બેટ્સમેને રોહિત શર્માનો તોડ્યો વર્લ્ડ રેકોર્ડ, જે ક્રિકેટ ઇતિહાસમાં પહેલીવાર આવું થયું!

1/6

18 વર્ષીય મુંબઈના સેન્સેશન આયુષ મ્હાત્રેએ ક્રિકેટમાં એક નવો રેકોર્ડ બનાવ્યો છે. 2025-26 સૈયદ મુશ્તાક અલી ટ્રોફીમાં સામે શાનદાર સદી ફટકાર્યા બાદ, તેણે એક ખાસ યાદીમાં રોહિત શર્માને પાછળ છોડી દીધો. 2025-26 સૈયદ મુશ્તાક અલી ટ્રોફીમાં મુંબઈના યુવા બેટ્સમેન આયુષ મ્હાત્રેએ ઐતિહાસિક ઇનિંગ રમી. તેણે વિદર્ભ સામે ધમાકેદાર સદી ફટકારીને ભૂતપૂર્વ ભારતીય કેપ્ટન રોહિત શર્માનો વિશ્વ રેકોર્ડ તોડ્યો.

2/6

193 રનના લક્ષ્યનો પીછો કરતા, આયુષ મ્હાત્રેએ માત્ર 53 બોલમાં અણનમ 110 રન બનાવ્યા. તેણે 207.54 ના સ્ટ્રાઇક રેટથી આઠ ચોગ્ગા અને આઠ છગ્ગા ફટકાર્યા. T20 ફોર્મેટમાં આ તેની પહેલી સદી હતી. તેણે અગાઉ લિસ્ટ એ અને ફર્સ્ટ-ક્લાસ ક્રિકેટમાં સદી ફટકારી છે.

3/6

આયુષ મ્હાત્રે ક્રિકેટના ત્રણેય ફોર્મેટમાં સદી ફટકારનાર વિશ્વનો સૌથી યુવા બેટ્સમેન બન્યો. તેણે 18 વર્ષ અને 135 દિવસની ઉંમરે આ સિદ્ધિ મેળવી. અગાઉ, આ રેકોર્ડ રોહિત શર્માના નામે હતો.

4/6

રોહિત શર્માએ 19 વર્ષ અને 339 દિવસની ઉંમરે ક્રિકેટના ત્રણેય ફોર્મેટમાં સદી ફટકારી હતી. ભૂતપૂર્વ ભારતીય ખેલાડી ઉન્મુક્ત ચંદ 20 વર્ષની ઉંમરે આ યાદીમાં ત્રીજા ક્રમે છે. સાઉથ આફ્રિકાના ક્વિન્ટન ડી કોકે 20 વર્ષ અને 62 દિવસની ઉંમરે આ સિદ્ધિ મેળવી હતી.

5/6

પોતાની ટૂંકી કારકિર્દીમાં, આયુષ મ્હાત્રેએ 13 ફર્સ્ટ-ક્લાસ મેચ, 7 લિસ્ટ A મેચ અને 9 T20 મેચ રમી છે. આ સમયગાળા દરમિયાન તેણે કુલ 5 સદી ફટકારી છે.

6/6

તેણે ફર્સ્ટ-ક્લાસ મેચમાં 660 રન, લિસ્ટ A મેચમાં 458 રન અને T20 મેચમાં 368 રન બનાવ્યા છે. છેલ્લી આઈપીએલ સીઝનમાં CSK માટે ડેબ્યૂ પણ કર્યું હતું, જેમાં તેણે 7 મેચમાં 240 રન બનાવ્યા હતા.