Indiaની વર્લ્ડ કપ જીત પછી ઈશાન કિશને કેપ્ટન સૂર્યકુમારનું મોટું રહસ્ય ખોલ્યું
ઈશાન કિશને ભારતની ટી20 વર્લ્ડ કપ જીતમાં મુખ્ય ભૂમિકા ભજવી હતી, પરંતુ વર્લ્ડ કપ શરૂ થવાના થોડા દિવસો પહેલા સુધી તેની પસંદગી પર મોટો પ્રશ્નાર્થ હતો એવામાં ભારતની વર્લ્ડ કપ જીત પછી, ઈશાને એક મોટું રહસ્ય ખોલ્યું છે.
રવિવારે રાત્રે ફાઇનલમાં ન્યૂઝીલેન્ડ સામે ભારતની 96 રનથી જીત બાદ, હસતા હસતા ઇશાન કિશને કહ્યું, "ટીમની જાહેરાત થવાની હતી ત્યારે સૂર્યભાઈએ મને ફોન કર્યો. મેં સ્ક્રીનશોટ પણ લીધો કારણ કે મને લાગ્યું કે તે વર્લ્ડ કપ ટીમ વિશે ફોન કરી રહ્યા છે. તેમણે મને સીધો પૂછ્યું, 'શું તું ટીમને વર્લ્ડ કપ જીતાવીશ?' મેં તેમને પૂછ્યું, 'શું તમે મારા પર વિશ્વાસ કરશો?' તેમણે કહ્યું, 'હા,' અને બસ એટલું જ."
ફાઇનલ પહેલાની રાત ઇશાન કિશન માટે સરળ નહોતી. તે એક મોટી વ્યક્તિગત દુર્ઘટનાનો સામનો કરી રહ્યો હતો. ઇશાને ખુલાસો કર્યો કે તેને થોડા દિવસો પહેલા તેના પિતરાઇ બહેનનું અકસ્માતમાં મૃત્યુ વિશે ખબર પડી હતી. તે સમાચાર એવા હતા જે ટુર્નામેન્ટની સૌથી મોટી મેચ પહેલા વારંવાર તેના મનમાં આવતા રહ્યા.
ઇશાને કહ્યું, "સાચું કહું તો, હું મેચ પહેલા તેના વિશે વાત કરવાનું વિચારી રહ્યો ન હતો,કેમ કે મારા પિતરાઇ બહેનનું કાર અકસ્માતમાં મૃત્યુ થયું હતું, અને મને થોડા દિવસો પહેલા તેના વિશે ખબર પડી. તે હંમેશા ઇચ્છતી હતી કે હું ઘણા રન બનાવું." ગઈકાલે મારી તબિયત સારી નહોતી, પણ આજે એક મોટો દિવસ હતો, તેથી મેચ કરતાં મારી લાગણીઓને ઉપર રાખવાને બદલે, મેં વિચાર્યું કે હું તેના માટે રન બનાવી શકું તે શ્રેષ્ઠ છે.
ઈશાને કહ્યું કે અડધી સદી ફટકાર્યા પછી, તેને રાહત થઈ કે તે તેની સ્વર્ગસ્થ બહેન માટે આવું કરી શકે છે. તેણે કહ્યું, "જ્યારે મેં મારી અડધી સદી ફટકાર્યા પછી ઉપર જોયું, ત્યારે તે તેના માટે હતું. મને ખૂબ ગર્વ છે કે આપણે આજે જીતી ગયા. મને તેના પરિવાર માટે દુઃખ છે, પરંતુ મારા નજીકના મિત્રો તેમની સંભાળ રાખવા માટે ત્યાં છે."
ડ્રેસિંગ રૂમના વાતાવરણ વિશે, ઈશાન કિશને કહ્યું, "વર્લ્ડ કપ હંમેશા એક મોટો તબક્કો હોય છે. દબાણ અને ગભરાટ હોય છે, પરંતુ અહીં કાર્ય સ્પષ્ટ છે: તમારે ફક્ત યોગ્ય શોટ પસંદ કરવા પડશે અને વસ્તુઓ સરળ રાખવી પડશે. જ્યારે તમે તેને સરળ રાખો છો, ત્યારે ખેલાડીઓ માટે તે સરળ બને છે. કોચ અને કેપ્ટને દરેકને સ્વતંત્રતા આપી હતી અને ક્યારેય ખેલાડીઓ પર શંકા કરી નથી. જ્યારે તમને તે ટેકો મળે છે, ત્યારે તમે રમત જાતે બદલવા માંગો છો."