ક્રિકેટના મેદાનમાં જોન અબ્રાહમની એન્ટ્રી,આ ટીમનો બન્યો માલિક

1/6

બોલિવૂડ અભિનેતા જોન અબ્રાહમે રમત જગતમાં એક નવું સાહસ શરૂ કર્યું છે. અભિનેતાએ યુરોપિયન T20 પ્રીમિયર લીગ માં રોટરડેમ ડોકર્સ ફ્રેન્ચાઇઝીના સહ-માલિક તરીકે પ્રવેશ મેળવ્યો છે. આ લીગ યુરોપમાં ક્રિકેટના વિકાસ માટે એક મહત્વપૂર્ણ મંચ બનશે. જોન અબ્રાહમના જોડાવાથી ટીમ અને લીગ બંનેને વૈશ્વિક સ્તરે નવી ઓળખ મળવાની અપેક્ષા છે. હવે તે ક્રિકેટના પ્રચારમાં સક્રિય ભૂમિકા ભજવવા જઈ રહ્યો છે.

2/6

યુરોપિયન T20 લીગ 26 ઓગસ્ટથી શરૂ થઈ રહી છે અને આયર્લેન્ડ, નેધરલેન્ડ અને સ્કોટલેન્ડમાં રમાશે. બોલિવૂડ અભિનેતા જ્હોન અબ્રાહમ પણ આ લીગમાં સામેલ થયો છે. જાણો તેણે કઈ ટીમમાં રોકાણ કર્યું છે.

3/6

જ્હોન અબ્રાહમ રોટરડેમ ડોકર્સ ટીમનો કો-ઓનર (સહ માલિક) બન્યો છે. જોન્ટી રોડ્સ, ફાફ ડુ પ્લેસિસ અને હેનરિક ક્લાસેન પણ આ ટીમના સહ માલિકો છે.

4/6

ટીમના માલિક બન્યા પછી જ્હોન અબ્રાહમે કહ્યું કે ક્રિકેટમાં લોકોને એક કરવાની અને પ્રેરણા આપવાની શક્તિ છે. જ્હોનના મતે યુરોપમાં ક્રિકેટના વિસ્તરણની અપાર સંભાવનાઓ છે.

5/6

જ્હોન અબ્રાહમના મતે તેની ટીમ રોટરડેમ ડોકર્સ મજબૂત નેતૃત્વ ધરાવે છે અને ફ્રેન્ચાઈઝી લીગમાં પોતાને સ્થાપિત કરશે. અભિનેતા અભિષેક બચ્ચન ETPL નો કો-ફાઉન્ડર છે.

6/6

યુરોપિયન T20 લીગ 26 ઓગસ્ટથી 20 સપ્ટેમ્બર સુધી ચાલશે. રાહુલ દ્રવિડ, સ્ટીવ વો, ગ્લેન મેક્સવેલ અને નાથન મેક્કુલમ જેવા દિગ્ગજો આ લીગમાં ભાગ લઈ રહ્યા છે. સ્ટીવ સ્મિથ, મિશેલ માર્શ અને આર. અશ્વિન જેવા દિગ્ગજો પણ આ લીગમાં રમશે.