25 વર્ષની ઉંમર પહેલા સૌથી વધુ ODI સદી ફટકારનારા ટોપ ખેલાડીઓ
ODI ક્રિકેટમાં નાની ઉંમરે સદી ફટકારવી એ બેટ્સમેનની પ્રતિભા અને સાતત્ય દર્શાવે છે. વિશ્વના ઘણા મહાન બેટ્સમેનોએ 25 વર્ષની ઉંમર પહેલા રેકોર્ડબ્રેક પ્રદર્શન કરીને પોતાને અલગ પાડ્યા છે. તમને જણાવી દઈએ કે 25 વર્ષની ઉંમર પહેલા સૌથી વધુ વનડે સદી ફટકારનારા ટોપ 5 ખેલાડીઓ પર એક નજર કરીએ. ભારતીય ક્રિકેટ સુપરસ્ટાર વિરાટ કોહલીએ 25 વર્ષની ઉંમર પહેલા 17 વનડે સદી ફટકારીને એક નવો રેકોર્ડ બનાવ્યો. તેમની શાનદાર ટેકનિક અને રનની ભૂખે તેમને વિશ્વના શ્રેષ્ઠ બેટ્સમેનોમાંના એક બનાવ્યા છે. ક્રિકેટના ભગવાન તરીકે જાણીતા સચિન તેંડુલકરે પણ નાની ઉંમરે પોતાની પ્રતિભા દર્શાવી. તેમને 25 વર્ષની ઉંમર પહેલા 14 વનડે સદી ફટકારી અને અનેક રેકોર્ડ બનાવ્યા. ક્વિન્ટન ડી કોકે ખૂબ જ ઓછા સમયમાં ODI ક્રિકેટમાં જબરદસ્ત સફળતા મેળવી છે. તેને 25 વર્ષની ઉંમર પહેલા 13 સદી ફટકારીને આ લિસ્ટમાં પોતાનું સ્થાન મેળવ્યું છે. પાકિસ્તાનના ભૂતપૂર્વ કેપ્ટન બાબર આઝમે પોતાની શાનદાર બેટિંગ માટે વિશ્વભરમાં ઓળખ મેળવી. તેને 25 વર્ષની ઉંમર પહેલા 11 ODI સદી ફટકારીને પોતાની કક્ષા સાબિત કરી. તેની આક્રમક બેટિંગથી ટીમને ઘણી યાદગાર જીત મળી. આ ખેલાડીઓએ નાની ઉંમરે પોતાના શાનદાર પ્રદર્શનથી સાબિત કર્યું છે કે ક્રિકેટમાં પ્રતિભા અને સખત મહેનત દ્વારા મોટી સિદ્ધિઓ મેળવી શકાય છે.
25 વર્ષની ઉંમર પહેલા વનડે ક્રિકેટમાં સૌથી વધુ સદી ફટકારવાનો રેકોર્ડ વિરાટ કોહલીના નામે છે. તેને કુલ 17 સદી ફટકારી છે. ભારતના સુપરસ્ટાર ક્રિકેટર વિરાટ કોહલી હાલમાં 37 વર્ષના છે. તેમના નામે સૌથી વધુ 54 વનડે સદી છે.
આ લિસ્ટમાં બીજા નંબરે મહાન બેટ્સમેન સચિન તેંડુલકર છે. તેને 25 વર્ષની ઉંમર પહેલા 14 સદી ફટકારી હતી. તેને પોતાની કરિયરમાં કુલ 49 વનડે સદી ફટકારી હતી.
સાઉથ આફ્રિકાના વિકેટકીપર-બેટ્સમેન ક્વિન્ટન ડી કોકે 13 સદી ફટકારી છે. હાલમાં તેની પાસે 23 વનડે સદી છે. તેની ઉંમર 33 વર્ષ છે.
પાકિસ્તાનના સ્ટાર બેટ્સમેન બાબર આઝમે 25 વર્ષની ઉંમર પહેલા 11 ODI સદી ફટકારી હતી. 31 વર્ષના ખેલાડી પાસે હાલમાં 50 ઓવરના ફોર્મેટમાં 20 સદી છે.
અફઘાનિસ્તાનના ઓપનર રહેમાનુલ્લાહ ગુરબાઝ સંયુક્ત પાંચમા સ્થાને પહોંચી ગયો છે. તેને ODI ક્રિકેટમાં 9 સદી ફટકારી છે. તેઓ હાલમાં 24 વર્ષનો છે. ગુરબાઝે તાજેતરમાં ધર્મશાલામાં ભારત સામેની પ્રથમ ODIમાં પોતાની નવમી સદી ફટકારી હતી. વેસ્ટ ઈન્ડિઝના ભૂતપૂર્વ મહાન બેટ્સમેન ક્રિસ ગેઈલે પણ 25 વર્ષની ઉંમર પહેલા 9 ODI સદી ફટકારી હતી. ગુરબાઝ આ લિસ્ટમાં વિરાટ કોહલીથી 8 સદી દૂર છે.