Dwarka ના દરિયામાં ભારે કરંટ, માછીમારોને દરિયો ન ખેડવા સૂચના અપાઈ
દ્વારકાના દરિયામાં ભારે કરંટ જોવા મળ્યો છે. અરબ સાગરમાં ડિપ્રેશન હોવાથી દરિયામાં ભારે કરંટ જોવા મળ્યો છે. જેના કારણે દરિયાના મોજા ઉછળી રહ્યા છે.
દરિયામાં કરંટ હોવાથી તંત્ર દ્વારા માછીમારોને દરિયો ન ખેડવા સૂચના અપાઈ રહી છે તેમજ ઓખા સહિતના બંદરો પર ત્રણ નંબરનું સિગ્નલ લગાવી દેવામાં આવ્યું છે હાલ દ્વારકા જિલ્લાના કેટલાક ભાગોમાં સામાન્ય વરસાદી ઝાપટા પડ્યા છે તેમજ પવનની ગતિમાં વધારો જોવા મળી રહ્યો છે
અરબ સાગરમાં ડિપ્રેશન હોવાથી દરિયા કિનારે કરંટ જોવા મળી રહ્યો છે જેના પગલે દરિયામાં ભારે મોજા ઉછળી રહ્યા છે. લોકો પણ દ્વારકાના દરિયા કિનારે દરિયાનું રૌદ્ર સ્વરુપ જોવા આવી રહ્યા છે.
ઓખા સહિત બંદર પર 3 નંબરનું સિગ્નલ લગાવાયુ છે અને માછીમારોને દરિયો ન ખેડવા સૂચના અપાઈ છે. દ્વારકા સહિત દરિયા કિનારાના તમામ જિલ્લામાં વરસાદ વરસી રહ્યો છે. દરિયામાં કરન્ટ હોવાથી દરિયાની નજીક ના જવા પણ અપીલ કરાઇ છે.
હવામાન વિભાગની ભારે પવન સાથે વરસાદની આગાહીના પગલે દ્વારકામાં દરિયામાં કરંટ જોવા મળ્યો છે. ગુજરાતના અનેક ભાગોમા સામાન્યથી અતિ ભારે વરસાદ સાથે જ વાવાઝોડાની આગાહી કરવામાં આવી છે ત્યારે દેવભૂમિ દ્વારકા જિલ્લાના દરિયામાં પણ ડીપ ડિપ્રેશનની અસર જોવા મળી રહી છે.