એક ફિલ્મે રાતોરાત બનાવી દીધી સુપરસ્ટાર! વિરાટ કોહલીના સાળાને ડેટ કરતી હતી આ હસીના, આજે છે બોલીવુડ ક્વીન!
તૃપ્તિ ડિમરીએ સની દેઓલની ફિલ્મથી બોલીવુડમાં પોતાની કારકિર્દીની શરૂઆત કરી હતી. અભિનેત્રીએ 2017માં પોસ્ટર બોયઝ ફિલ્મથી ફિલ્મ ઈન્ડસ્ટ્રીમાં પ્રવેશ કર્યો હતો.
જોકે, આ ફિલ્મથી તેને ખાસ ઓળખ મળી ન હતી. ત્યારબાદ, 2018માં, અભિનેત્રીએ લૈલા મજનૂ ફિલ્મ રજૂ કરી. જોકે આ ફિલ્મ બોક્સ ઓફિસ પર સારી કમાણી કરી ન હતી, પરંતુ તેનાથી તેને બોલીવુડમાં ઓળખ મેળવવામાં મદદ મળી. પછી Bulbbul અને Qala જેવી ફિલ્મોમાં તેમણે ગાઢ અને અસરકારક પાત્રો નિભાવી પોતાની કળાનો પુરાવો આપ્યો.
એનિમલ ફિલ્મ પછી તેને ફિલ્મો મળવા લાગી હતી. અહેવાલો મુજબ, આ ફિલ્મમાં કામ કરવા બદલ તેને આશરે 40 લાખ રૂપિયા મળ્યા હતા, પરંતુ ત્યારબાદ તેની ફી ઘણી વધી ગઈ છે. હાલમાં તે એક ફિલ્મ માટે આશરે 10 કરોડ રૂપિયા સુધી ફી લે છે એવી ચર્ચા છે. ફિલ્મો સિવાય તે વિવિધ બ્રાન્ડના પ્રચાર અને સોશિયલ મીડિયા દ્વારા પણ આવક મેળવે છે.
નેટવર્થની દૃષ્ટિએ જોવામાં આવે તો તૃપ્તિ ડિમરી આજે કરોડોની માલિક છે. તેની કુલ સંપત્તિ અંદાજે 35 કરોડ રૂપિયા જેટલી હોવાનું કહેવામાં આવે છે. તે મુંબઈના બાંદ્રા વિસ્તારમાં ભવ્ય નિવાસસ્થાન ધરાવે છે, જેની કિંમત પણ કરોડોમાં ગણાય છે. વૈભવી લાઈફસ્ટાઈલ સાથે તેઓ પાસે મોંઘી ગાડીઓ પણ છે, જેમાં Porsche Cayenne અને Renault Duster જેવી કાર છે.
તૃપ્તિ ડિમરીની સફળતા માત્ર તેમની સુંદરતા પર આધારિત નથી, પરંતુ સતત મહેનત, સમર્પણ અને યોગ્ય પસંદગીઓના કારણે છે. ઓછા સમયમાં જ તેણે બોલીવૂડમાં મજબૂત સ્થાન મેળવ્યું છે.
હાલમાં તૃપ્તિ ડિમરી સેમ મર્ચન્ટને ડેટ કરી રહી છે તે પહેલા, તૃપ્તિ ડિમરી કર્ણેશ શર્મા સાથે રિલેશનશિપમાં હતી. તેનો સંબંધ લાંબા સમય સુધી ચાલ્યો. કર્ણેશ અનુષ્કા શર્માનો ભાઈ છે. તેણે અને તેની બહેને ક્લીન સ્લેટ ફિલ્મ્સ નામનું પ્રોડક્શન હાઉસ શરૂ કર્યું અને બુલબુલ સહિત ઘણી ફિલ્મોનું નિર્માણ કર્યું, જેમાં તૃપ્તિએ મુખ્ય ભૂમિકા ભજવી હતી. કર્ણેશ અને તૃપ્તિ ડિસેમ્બર 2022 માં અલગ થયાના હોવાના અહેવાલ છે.