રવિ અને સરગુને નવા ઘરમાં ભવ્ય દિવાળી પાર્ટીનું કર્યું આયોજન, જૅકી શ્રોફ સહિત અનેક સ્ટાર્સે આપી હાજરી!
પંજાબી ઇન્ડસ્ટ્રી સ્ટાર સરગુન મહેતા અને ટીવી સ્ટાર રવિ દુબેએ તેમના મિત્રો માટે એક ભવ્ય દિવાળી પાર્ટીનું આયોજન કર્યું હતું. રવિ અને સરગુને તેમના નવા ઘર, સૌભાગ્યમાં આ પ્રસંગની ઉજવણી કરી હતી. ટીવી અને ફિલ્મના સ્ટાર્સે સરગુન અને રવિની પાર્ટીમાં હાજરી આપી હતી, પાપારાઝી માટે પોઝ આપ્યા હતા. રવિ દુબે અને સરગુન મહેતાની દિવાળી પાર્ટીના ઘણા ફોટા સોશિયલ મીડિયા પર ફરતા થઈ રહ્યા છે. આ કપલ વિવિધ સેલિબ્રિટીઝ સાથે મસ્તી કરતા જોવા મળી રહ્યા છે. જુઓ ફોટોઝ...
સરગુન મહેતા અને રવિ દુબે સોશિયલ મીડિયા પર ખૂબ જ એક્ટિવ છે, તેઓ તેમના જીવનની દરેક અપડેટ તેમના ફેન્સ સાથે શેર કરે છે. તાજેતરમાં, આ કપલે તેમના નવા "સૌભાગ્ય" ઘરની એક ઝલક શેર કરી, જ્યાં તેઓએ એક ભવ્ય દિવાળી પાર્ટીનું આયોજન કર્યું હતું. 'રાઇઝ એન્ડ ફોલ' ના વિજેતા અર્જુન બિજલાણી પણ તેની પત્ની સાથે સરગમ અને રવિની દિવાળી પાર્ટીમાં પહોંચ્યા હતા.
એક ફોટામાં સરગુન મહેતા સાથે અભિનેત્રીઓ મનીષા રાની અને અવનીત કૌર પણ પોઝ આપતી જોવા મળી હતી. દિવાળી પાર્ટીમાં બંને લહેંગા પહેરેલી જોવા મળી હતી.
બોલીવુડ ગાયક શાન પણ રવિ અને સરગુનની દિવાળી પાર્ટીમાં હાજરી આપી હતી. આ ફોટા શેર કરતા આ કપલે લખ્યું, "અમારા 'સદભાગ્ય' માં અમારી પહેલી દિવાળી પાર્ટી..."
'જાટ' ના અભિનેતા વિનીત કુમાર, સુનીલ ગ્રોવર અને લોકપ્રિય ટીવી સ્ટાર શરદ કેલકર પણ આ પાર્ટીનો ભાગ હતા.
દિવાળી પાર્ટીના આ ફોટાઓમાંથી એકમાં, અપારશક્તિ ખુરાના રવિ અને સરગુન સાથે સેલ્ફી લેતા જોવા મળ્યા હતા. આ પાર્ટીમાં ટીવીની સુંદરીઓ ઈશા માલવિયા અને આયેશા ખાન ગ્લેમ લુકમાં જોવા મળી હતી. બંનેએ સાથે ખૂબ મસ્તી કરી હતી.
રવિ અને સરગુનની ભવ્ય દિવાળી પાર્ટીમાં પીઢ અભિનેતા જેકી શ્રોફ પણ હાજર રહ્યા હતા, જે પરંપરાગત અવતારમાં જોવા મળ્યા હતા. સ્ટેન્ડ-અપ કોમેડિયન ઝાકિર ખાન પણ રવિ અને સરગુનના ઘરે પાર્ટીનો આનંદ માણતો જોવા મળ્યો હતો. ફોટામાં તે જેકી અને રવિ સાથે વાત કરતો જોવા મળી રહ્યો છે.