ભૂત બંગલા એ રવિવારે લૂંટી લીધું બોક્સ ઓફિસ, બની વર્ષની ચોથી સૌથી મોટી ફિલ્મ!

1/6

પ્રિયદર્શન અને અક્ષય કુમારની જોડીની ફેન્ટેસી-હોરર કોમેડી ફિલ્મ ભૂત બંગલા 17 મે 2026ના રોજ સિનેમાઘરોમાં રિલીઝ થઈ છે. અક્ષય કુમાર અને પ્રિયદર્શનની વર્ષો પછીની આ રીયુનિયન ફિલ્મને દર્શકોનો જબરદસ્ત પ્રતિસાદ મળી રહ્યો છે. 

2/6

અક્ષય કુમારની ભૂત બંગલા પાસેથી અપેક્ષા હતી કે તે ખેલાડી કુમારની કારકિર્દીને ફરી પાટા પર લાવશે, અને ફિલ્મના ત્રણ દિવસના પર્ફોર્મન્સને જોતા એવું જ થતું જણાય છે. પેડ પ્રિવ્યુ દ્વારા 3.75 કરોડની કમાણી કર્યા બાદ, ફિલ્મે પહેલા દિવસે 12.25 કરોડ અને બીજા દિવસે 19 કરોડની શાનદાર કમાણી કરી હતી.

3/6

સૈકનિલ્કના અહેવાલ મુજબ, ત્રીજા દિવસે એટલે કે રવિવારે ફિલ્મે 23 કરોડનું કલેક્શન કર્યું છે. આ સાથે ફિલ્મની ત્રણ દિવસની કુલ કમાણી (પેડ પ્રિવ્યુ સહિત) 58 કરોડ રૂપિયા પર પહોંચી ગઈ છે.

4/6

ભૂત બંગલા બોક્સ ઓફિસ પર ધૂમ મચાવી રહી છે! આ ફિલ્મે માત્ર ત્રણ દિવસમાં વર્ષ 2026ની ટોપ 10 ફિલ્મોની યાદીમાં ચોથું સ્થાન પ્રાપ્ત કરી લીધું છે. તેણે મર્દાની 3ને પાછળ છોડીને આ સિદ્ધિ મેળવી છે.

5/6

વર્ષ 2026ની અત્યાર સુધીની ટોપ ફિલ્મોની યાદીમાં ધુરંધર 2 1141 કરોડ સાથે પ્રથમ સ્થાને છે, ત્યારબાદ બોર્ડર 2 (362.76 કરોડ) અને ઓરોમિયો (83.35 કરોડ) નો નંબર આવે છે. હવે ભૂત બંગલા 58 કરોડ સાથે ચોથા ક્રમે છે, જેની પાછળ 'ર્દાની 3, ધ કેરેલા સ્ટોરી 2, ઈક્કીસ, અસ્સી, દો દીવાને શહર મેં અને તૂ યા મેં જેવી ફિલ્મો છે.

6/6

પ્રિયદર્શન દ્વારા નિર્દેશિત આ ફિલ્મ અક્ષય કુમાર સાથે તેમની હેરા ફેરી, ભૂલ ભૂલૈયા અને ગરમ મસાલા જેવી આઈકોનિક ફિલ્મો પછીની એક મોટી વાપસી છે. ફિલ્મમાં અક્ષય કુમાર ઉપરાંત વામિકા ગબ્બી, તબ્બુ, રાજપાલ યાદવ અને જીશુ સેનગુપ્તા મહત્વની ભૂમિકામાં છે. આ ફિલ્મનું નિર્માણ અક્ષય કુમાર, શોભા કપૂર અને એકતા કપૂર દ્વારા કરવામાં આવ્યું છે.