Bollywood અને ટીવીના જાણીતા અભિનેતા સતીશ શાહનું નિધન, એક જ સિરીયલમાં ભજવી હતી 55 ભૂમિકા
ભારતીય ફિલ્મ અને ટેલિવિઝન ઉદ્યોગના જાણીતા અભિનેતા સતીશ શાહનું 25 ઓક્ટોબરના રોજ અવસાન થયું છે. 74 વર્ષની ઉંમરે અભિનેતાએ દુનિયા છોડી દીધી. તેમનું અવસાન કિડની ફેલ્યોરને કારણે થયું હતું.
આજે બોલિવૂડ અને ટેલિવિઝન જગત માટે દુઃખદ સમાચાર આવ્યા છે. પ્રખ્યાત કોમેડી અભિનેતા સતીશ શાહનું શનિવારે અવસાન થયું. તેમણે 74 વર્ષની ઉંમરે મુંબઈમાં અંતિમ શ્વાસ લીધા. અહેવાલો અનુસાર, તેઓ લાંબા સમયથી કિડનીની ગંભીર બીમારીથી પીડાતા હતા અને કિડની ફેલ્યોરને કારણે તેમનું અવસાન થયું. પ્રખ્યાત નિર્માતા અને IFTDA પ્રમુખ અશોક પંડિતે આ વાતની પુષ્ટિ કરી.
ભારતીય ફિલ્મ અને ટેલિવિઝન ઉદ્યોગના જાણીતા અભિનેતા સતીશ શાહનું 25 ઓક્ટોબરના રોજ અવસાન થયું. 74 વર્ષની ઉંમરે આ અભિનેતાએ દુનિયા છોડી દીધી. અશોક પંડિતે કહ્યું, "હા, સતીશ શાહ હવે નથી રહ્યા. તેઓ મારા સારા મિત્ર હતા. કિડની ફેલ્યોરને કારણે તેમનું અવસાન થયું છે. તેમને અચાનક દુખાવો થવા લાગ્યો અને તેમની તબિયત બગડી ગઈ હતી" તેમને દાદર શિવાજી પાર્ક સ્થિત હિન્દુજા હોસ્પિટલમાં લઈ જવામાં આવ્યા, જ્યાં તેમનું અવસાન થયું.
સતીશ શાહનો જન્મ 25 જૂન, 1951 ના રોજ ગુજરાતના માંડવીમાં થયો હતો. તેમણે મુંબઈની સેન્ટ ઝેવિયર્સ કોલેજમાંથી પોતાનો અભ્યાસ પૂર્ણ કર્યો અને પછી FTII (ફિલ્મ અને ટેલિવિઝન ઇન્સ્ટિટ્યૂટ ઓફ ઇન્ડિયા)માંથી અભિનયની તાલીમ લીધી. તેમણે 1970 ના દાયકામાં ફિલ્મોમાં પોતાની કારકિર્દીની શરૂઆત કરી હતી, પરંતુ તેમને ખરી ઓળખ ટીવી શો "યે જો હૈ ઝિંદગી" થી મળી, જેમાં તેમણે દરેક એપિસોડમાં અલગ અલગ પાત્રો ભજવ્યા હતા. બોલીવુડમાં, તેમણે "મૈંને પ્યાર કિયા", "હમ આપકે હૈ કૌન", "કલ હો ના હો", "ઓમ શાંતિ ઓમ" અને "સત્યમેવ જયતે" સહિત અનેક હિટ ફિલ્મોમાં યાદગાર ભૂમિકાઓ ભજવી છે.
સતીશ શાહની ટીવી સિરિયલ કારકિર્દી 1984 માં સિટકોમ "યે જો હૈ ઝિંદગી" થી શરૂ થઈ હતી. અભિનેતાએ શોના 55 એપિસોડમાં 55 અલગ અલગ પાત્રો ભજવ્યા હતા. ત્યારબાદ તેઓ 1995 માં "ફિલ્મી ચક્કર" માં દેખાયા હતા. ત્યારબાદ તેઓ "સારાભાઈ વર્સિસ સારાભાઈ" માં જોવા મળ્યા હતા, જેના કારણે તેઓ ઘરે ઘરે જાણીતા બન્યા હતા. રત્ના પાઠક સાથેની તેમની જોડી ખૂબ જ સફળ રહી.
તેમણે 1984માં કુંદન શાહ અને મંજુલ સિંહા દ્વારા દિગ્દર્શિત સિટકોમ "યે જો હૈ જિંદગી" માં પણ મુખ્ય ભૂમિકા ભજવી હતી. તેઓ 55 એપિસોડમાં દેખાયા હતા, જેમાં દરેક એપિસોડમાં એક અલગ પાત્ર હતું. આમ, તેમણે એક જ સિરિયલમાં 55 પાત્રો ભજવ્યા હતા.