ન નરગિસ, ના મધુબાલા, ના હેમા માલિની! આ એક્ટ્રેસે જીત્યો હતો દેશનો પ્રથમ ઈન્ટરનેશનલ એવોર્ડ

1/6

ઇન્ડિયન ફિલ્મ ઇન્ડસ્ટ્રીનો વારસો ઘણો મોટો છે અને એક સદીથી પણ વધુ સમયથી આ ઇન્ડસ્ટ્રી આગળ વધી રહી છે. આ ઉદ્યોગે અત્યાર સુધી લાંબી મુસાફરી કરી છે અને વિશ્વભરમાં પોતાનું વર્ચસ્વ સ્થાપિત કર્યું છે. ઘણા કલાકારો એવા રહ્યા છે જેમણે ઇતિહાસ રચ્યો છે, જેમાં બંગાળી સિનેમાની એક અભિનેત્રીનું નામ મોખરે છે.

2/6

અમે જે અભિનેત્રીની વાત કરી રહ્યા છીએ તેમનું નામ સુચિત્રા સેન છે. સુચિત્રાની ખાસ વાત એ છે કે તેઓ ભારતીય ફિલ્મ ઇન્ડસ્ટ્રીની એવી પ્રથમ અભિનેત્રી હતી જેમને આંતરરાષ્ટ્રીય ખ્યાતિ મળી હતી. મૂળ બંગાળી સિનેમા સાથે સંકળાયેલી આ અભિનેત્રીએ હિન્દી ફિલ્મોમાં પણ યાદગાર કામ કર્યું હતું.

3/6

સુચિત્રા સેને વર્ષ 1963માં ફિલ્મ સાત પાકે બાધા માટે ત્રીજા મોસ્કો ઇન્ટરનેશનલ ફિલ્મ ફેસ્ટિવલમાં બેસ્ટ એક્ટ્રેસનું સન્માન મેળવ્યું હતું. આ પહેલા કોઈપણ ભારતીય અભિનેત્રી ઇન્ટરનેશનલ લેવલ પર કોઈ એવોર્ડ મેળવી શકી નહોતી.

4/6

સુચિત્રા સેને વર્ષ 1953માં આવેલી ફિલ્મ 7 નંબર કાયેદીથી ડેબ્યુ કર્યું હતું. ત્યારબાદ માત્ર 2 વર્ષમાં જ તેમણે દિલીપ કુમારની ફિલ્મ દેવદાસથી હિન્દી ફિલ્મોમાં એન્ટ્રી કરી હતી.

5/6

તેમણે ઋષિકેશ મુખર્જીની ડેબ્યુ ફિલ્મ મુસાફિરમાં પણ અભિનય કર્યો હતો. આ ઉપરાંત તેઓ બંબઈ કા બાબુ, સરહદ, મમતા અને આંધી જેવી ફિલ્મોમાં જોવા મળ્યા હતા. ગુલઝારના નિર્દેશનમાં બનેલી ફિલ્મ આંધીમાં તેઓ સંજીવ કુમાર સામે જોવા મળ્યા હતા. આ ફિલ્મ જેટલી વિવાદોમાં રહી હતી તેટલી જ લોકપ્રિયતા પણ મેળવી હતી. આ ફિલ્મ બાદ તેઓ કોઈ હિન્દી મૂવીમાં દેખાયા નહોતા.

6/6

સુચિત્રા સેનના પગલે તેમની પુત્રી મૂન મૂન સેન અને પૌત્રીઓ રાયમા સેન તેમજ રિયા સેને પણ અભિનયમાં નસીબ અજમાવ્યું હતું. સુચિત્રા સેનને સિનેમા જગતમાં તેમના પ્રદાન માટે વર્ષ 1972માં પદ્મશ્રીથી પણ નવાજવામાં આવ્યા હતા.