ટીવીથી દૂર રહ્યા છતાં જન્નત ઝુબૈર કેવી રીતે બની આટલી અમીર? 24ની ઉંમરે છે કરોડોની માલકિન!
જન્નત ઝુબૈર એ એવી અભિનેત્રીઓમાંથી એક છે જેણે ખૂબ જ નાની ઉંમરે કામ કરવાનું શરૂ કરી દીધું હતું. જોકે, અભિનેત્રીએ પોતાનો અભ્યાસ પણ છોડ્યો નહોતો. જન્નત હવે 24 વર્ષની થઈ ગઈ છે અને કરોડોની માલિક બની ગઈ છે. આમ તો અભિનેત્રીએ નાના પડદાથી પોતાની કારકિર્દીની શરૂઆત કરી હતી. પરંતુ, ઘણા વર્ષો સુધી તેણે ટીવીથી અંતર જાળવી રાખ્યું હોવા છતાં તે કરોડોની માલિક છે. જન્નત ઝુબૈરે જ્યારે કરિયરની શરૂઆત કરી ત્યારે તેની ઉંમર માત્ર 7 વર્ષની હતી. આજે પણ તેને તેના શો ફુલવા માટે યાદ કરવામાં આવે છે. 2018 સુધી ટીવી પર કામ કર્યા પછી અભિનેત્રીએ તેનાથી દૂરી બનાવી લીધી હતી.
એક ઇન્ટરવ્યુમાં જન્નત ઝુબૈરે કહ્યું હતું કે ટીવી છોડ્યા પછી તેને બેચેની થવા લાગી હતી, કારણ કે તેને આખો દિવસ કામ કરવાની આદત પડી ગઈ હતી. તેને સમજાતું નહોતું કે તે શું કરે. ત્યારબાદ અભિનેત્રીએ ડિજિટલ કન્ટેન્ટ ક્રિએશન તરફ વળવાનું નક્કી કર્યું.
તેણે પોતાના ભાઈ સાથે મળીને વીડિયો બનાવવાનું શરૂ કર્યું. જન્નતે આ વિશે વાત કરતા કહ્યું હતું કે, મેં પહેલાથી જ નક્કી કરી લીધું હતું કે હું ડેઈલી સોપ (ટીવી સિરિયલ) છોડી દઈશ. પરંતુ જ્યારે મેં મારા છેલ્લા શો પછી ખરેખર આવું કર્યું, ત્યારે હું ખૂબ જ બેચેન હતી.
મને સમજાતું નહોતું કે સમય કેવી રીતે પસાર કરવો. હું ટીનએજર હતી અને મને દિવસભર કામ કરવાની આદત હતી. પછી મેં બિલકુલ નવો રસ્તો પસંદ કર્યો. મારા ભાઈએ મને આઈડિયા આપ્યો કે આપણે વીડિયો બનાવીએ.
જોતજોતામાં જન્નત ઝુબૈર અને તેનો ભાઈ કન્ટેન્ટ ક્રિએશનની દુનિયામાં છવાઈ ગયા. જન્નતના ઇન્સ્ટાગ્રામ પર 51.9 મિલિયન ફોલોઅર્સ છે, જે તેને ખૂબ પસંદ કરે છે. જન્નત કન્ટેન્ટ ક્રિએશન, બ્રાન્ડ એન્ડોર્સમેન્ટ અને રિયાલિટી શો દ્વારા કરોડોની કમાણી કરે છે. રિપોર્ટ્સ અનુસાર, જન્નતની નેટવર્થ 250 કરોડ રૂપિયા છે.