Kajol Birthday: લગ્ન બાદ કાજોલે અજય દેવગનની માતાને મમ્મી કહેવાની ના પાડી દીધી, જાણો કારણ

1/7

અભિનેત્રી કાજોલ જે અભિનય સિવાય સ્પષ્ટવક્તા માટે જાણીતી છે. આજે તે પોતાનો 51મો જન્મદિવસ ઉજવી રહી છે તો જાણીએ તેની સાથે જોડાયેલી કેટલીક રસપ્રદ વાતો.....

2/7

બોલીવુડની ટોચની અભિનેત્રીઓમાં કાજોલના નામનો સમાવેશ થાય છે. 6 ફિલ્મફેર એવોર્ડ્સ સહિત 40થી વધુ વિવિધ એવોર્ડ્સ જીતનાર કાજોલ ત્રણ દાયકાથી વધુ સમયથી ઇન્ડસ્ટ્રીમાં સક્રિય છે. ફિલ્મી પરિવારમાંથી આવતી કાજોલે 17 વર્ષની ઉંમરે બોલીવુડમાં પ્રવેશ કર્યો હતો. કાજોલે તેની કારકિર્દીમાં રોમેન્ટિક ભૂમિકાઓ, નકારાત્મક ભૂમિકાઓ અને હવે માતાની ભૂમિકા ભજવી છે.

3/7

કાજોલનો જન્મ 5 ઓગસ્ટ 1974ના રોજ મુંબઈમાં થયો હતો. કાજોલ એક મોટા ફિલ્મી પરિવારમાંથી આવે છે. તે પીઢ અભિનેત્રી તનુજા અને દિગ્દર્શક-નિર્માતા શોમુ મુખર્જીની પુત્રી છે. કાજોલે 1999માં અભિનેતા અજય દેવગન સાથે લગ્ન કર્યા હતા.

4/7

તેણીએ પોતાની કારકિર્દીની શરૂઆત 1992માં ફિલ્મ 'બેખુદી' થી કરી હતી. તેની કારકિર્દીની બીજી ફિલ્મ શાહરૂખ ખાનની 'બાઝીગર' હતી. 'બાઝીગર' બોક્સ ઓફિસ પર સફળ રહી હતી અને તે વર્ષની સૌથી વધુ કમાણી કરનાર ફિલ્મોમાં તેનો સમાવેશ થતો હતો. આ પછી તે 'ઉધર કી ઝિંદગી', 'યે દિલ્લગી', 'હલચુલ' અને 'ગુંડારાજ' જેવી ફિલ્મોમાં જોવા મળી હતી.

5/7

1998નું વર્ષ કાજોલના કરિયર માટે ખૂબ જ સફળ રહ્યું. આ વર્ષે કાજોલે ઘણી હિટ ફિલ્મો આપી. જેમાં 'પ્યાર કિયા તો ડરના ક્યા', 'પ્યાર તો હોના હી થા', 'કુછ કુછ હોતા હૈ' અને 'દુશ્મન'નો સમાવેશ થાય છે. 'કુછ કુછ હોતા હૈ' માટે કાજોલને શ્રેષ્ઠ અભિનેત્રીનો બીજો ફિલ્મફેર એવોર્ડ પણ મળ્યો.

6/7

કાજોલે પહેલી વાર અજય દેવગનને ફિલ્મના સેટ પર જોયો. અજય સેટના એક ખૂણામાં ખુરશી પર બેઠો હતો અને ફિલ્મની હિરોઈન કાજોલ સાથે વાત પણ કરતો ન હતો. ત્યારબાદ કાજોલને અજય દેવગન ઘમંડી લાગ્યો હતો.

7/7

લગ્ન બાદ જ્યારે અજય દેવગનની માતા અને તેના સાસુને કાજોલને મમ્મી કહેવાનું સૂચન કરવામાં આવ્યું ત્યારે તેમણે કહ્યું કે હું તેને મમ્મી કેમ કહું? મારી પાસે પહેલેથી જ એક માતા છે.