'13 વર્ષ વીતી ગયા...', મોહિત સૂરીએ શેર કરી આશિકી 2ની BTS તસવીરો, રાહુલ-આરોહીની યાદોમાં ડૂબ્યા ફેન્સ
આશિકી 2 26 એપ્રિલ 2013 ના રોજ સિનેમાઘરોમાં રિલીઝ થઈ હતી. તેની ઈમોશનલ સ્ટોરીએ રિલીઝ થતાની સાથે જ યુવાનોના દિલમાં ખાસ જગ્યા બનાવી લીધી હતી.
રિલીઝ પછી ફિલ્મે બોક્સ ઓફિસ પર શાનદાર પ્રદર્શન કર્યું હતું. ઓછા બજેટમાં બનેલી આ ફિલ્મે અપેક્ષા કરતા ક્યાંય વધુ કમાણી કરી અને મોટી હિટ સાબિત થઈ.
રાહુલ, આરોહીના ટેલેન્ટને ઓળખીને તેને એક મોટી તક અપાવે છે. ધીમે-ધીમે આરોહી સ્ટાર બની જાય છે, પરંતુ રાહુલની નશાની આદત તેમના સંબંધોમાં અંતર ઉભું કરી દે છે.
સ્ટોરીનો સૌથી ઈમોશનલ ભાગ ત્યારે આવે છે, જ્યારે રાહુલ પોતાના પ્રેમ માટે મોટું પગલું ભરતા સુસાઈડ કરી લે છે.
ફિલ્મમાં આદિત્ય રોય કપૂરે રાહુલ અને શ્રદ્ધા કપૂરે આરોહીનું પાત્ર ભજવ્યું છે. આ સિવાય શાદ રંધાવા અને મહેશ ઠાકુર જેવા કલાકારો પણ જોવા મળ્યા હતા.
ફિલ્મના ગીતો તેની સૌથી મોટી તાકાત છે. ખાસ કરીને તુમ હી હો ગીત આજે પણ દર્શકોના પ્લેલિસ્ટમાં સામેલ છે.