એક્ટ્રેસના આ ગીતે મચાવી હતી સનસનાટી, બિગ બોસથી મળી અલગ ઓળખ, 42 વર્ષની વયે થયું તેમનું નિધન
ફિલ્મ ઈન્ડસ્ટ્રીમાં ઘણા એવા સ્ટાર્સ છે જેમનું નસીબ એટલું ચમક્યું કે તેઓ રાતોરાત સ્ટાર બની ગયા. આજે, આ સ્ટાર્સ લાખો લોકોના દિલ પર રાજ કરે છે. આમાંથી કેટલાક સ્ટાર્સ ફિલ્મો છોડી ચૂક્યા છે, જ્યારે કેટલાક હજુ પણ ઇન્ડસ્ટ્રી પર રાજ કરી રહ્યા છે. એક એવી અભિનેત્રી જે એક જ ગીતથી રાતોરાત સ્ટાર બની ગઈ હતી. જોકે, પછીથી તેમણ ફિલ્મ ઈન્ડસ્ટ્રીમાંથી બ્રેક લીધો અને બિગ બોસ સાથે વાપસી કરી. પછી, 2025 માં, આ અભિનેત્રી 42 વર્ષની ઉંમરે જીવનની લડાઈ હારી ગઈ અને તેમનું અવસાન થયું. આ એક્ટ્રેસ છે કાંટા ગર્લ, શેફાલી જરીવાલાનો આજે જન્મદિવસ છે. જાણો એક્ટ્રેસના ફિલ્મી કરિયર વિશે.
શેફાલી જરીવાલનો જન્મ અમદાવાદના એક ગુજરાતી પરિવારમાં થયો હતો. એન્જિનિયરિંગનો અભ્યાસ પૂર્ણ કર્યા પછી, તેમણે મનોરંજન ઈન્ડસ્ટ્રીમાં પ્રવેશ કર્યો. તેમણે મોડેલિંગના દિવસોમાં જ તેમને એક રિમિક્સ ગીત મળ્યું જેણે તેમનું જીવન બદલી નાખ્યું. 2002માં, તેઓ કાંટા લગા ગીતના મ્યુઝિક વીડિયોમાં દેખાયા, જેણે તેમને રાતોરાત સ્ટાર બનાવી દીધી. આ ગીત એટલું હિટ હતું કે શેફાલી જરીવાલાને કાંટા લગા ગર્લ તરીકે ઉપનામ આપવામાં આવ્યું.
તે સમયે, શેફાલીના આ ગીત વિના કોઈપણ લગ્ન કે પાર્ટી અધૂરી માનવામાં આવતી હતી. આ ગીતની લોકપ્રિયતાને પગલે, શેફાલીએ 2004 માં આવેલી ફિલ્મ મુઝસે શાદી કરોગેમાં પણ આ ગીત પર ડાન્સ કર્યો હતો.
ફિલ્મમાં શેફાલીનો કેમિયો હતો, પરંતુ કાંટા લગા ગીત પણ ખૂબ જ લોકપ્રિય હતું. આ ફિલ્મમાં શેફાલી જરીવાલાએ અક્ષય કુમાર સાથે આ ગીત પર ડાન્સ કર્યો હતો. જેમ જેમ અભિનેત્રીને ફિલ્મ ઈન્ડસ્ટ્રીમાં ઓળખ મળવા લાગી, તેમ તેમ તેમણે ફિલ્મ ઈન્ડસ્ટ્રીમાંથી વિરામ લીધો અને ગાયબ થઈ ગઈ.
15 વર્ષ પછી, અભિનેત્રીએ વાપસી કરી પરંતુ કામ શોધવામાં નિષ્ફળ રહી. 2019 માં, શેફાલીનું જીવન બદલાઈ ગયું જ્યારે તેમણે બિગ બોસ 13 માં વાઇલ્ડ કાર્ડ કન્ટેસ્ટેન્ટ તરીકે દેખાયા. આ શોએ શેફાલીને એક અલગ ઓળખ આપી, અને લોકો તેને પ્રેમ કરતા હતા.
શેફાલી ભલે બિગ બોસ 13ના જીતી શકી હોય, પરંતુ તેમણે ઇન્ડસ્ટ્રીમાં વાપસી કરી. આ પછી, અભિનેત્રી સોશિયલ મીડિયા પર ખૂબ જ એક્ટિવ થઈ હતી ત્યારબાદ તે ઘણા વીડિયો સોશિયલ મીડિયામાં શેર કરતા હતા.
2025નું વર્ષ શેફાલી જરીવાલાના જીવનમાં એક કાળા પડછાયા જેવું આવ્યું. તે જ વર્ષે 27 જૂને, શેફાલીનું 42 વર્ષની વયે અવસાન થયું. આ સમાચારે સમગ્ર ઇન્ડસ્ટ્રીને ચોંકાવી દીધી અભિનેત્રીનું હાર્ટએટેકના કારણે અવસાન થયું હતું.