તારક મહેતા શોમાં 18 વર્ષથી લગ્નની રાહ જોતા પોપટલાલ રિયલ લાઈફમાં છે ફેમિલી મેન, 3 બાળકોના પિતા!

1/6

લોકપ્રિય ટીવી શો તારક મહેતા કા ઉલ્ટા ચશ્મા છેલ્લા 18 વર્ષથી ફેન્સનું મનોરંજન કરી રહ્યો છે. આ શોને ફેન્સ ખૂબ જ પસંદ કરે છે. એ વાત અલગ છે કે તેના નવા એપિસોડ્સને પહેલા જેવો પ્રતિસાદ નથી મળી રહ્યો, પરંતુ તેના જૂના એપિસોડ્સ આજે પણ ખૂબ જોવામાં આવે છે. તારક મહેતા કા ઉલ્ટા ચશ્મા શોમાં છેલ્લા 18 વર્ષથી પોપટલાલ પોતાની વરઘોડીની રાહ જોઈ રહ્યા છે. દુનિયા હલાવી દેવાની વાતો કરતા પોપટલાલ ઉર્ફે શ્યામ પાઠક રિયલ લાઈફમાં ખૂબ જ સુખી અને સંપૂર્ણ પરિવાર ધરાવે છે. પડદા પર કુંવારા દેખાતા પોપટલાલ ખરેખર તો ત્રણ બાળકોના પિતા છે.

2/6

શોમાં દરેક પાત્ર સફળ રહ્યા છે અને લોકોમાં ખૂબ લોકપ્રિય છે. આ પાત્રોમાંનું એક પાત્ર પોપટલાલનું પણ છે. પોપટલાલ એક વરિષ્ઠ પત્રકાર છે, પરંતુ શોના લગભગ 2 દાયકા વીતી ગયા હોવા છતાં તેમના લગ્ન થયા નથી. શોમાં આ રોલ શ્યામ પાઠકે ભજવ્યો છે.

3/6

ફરીથી તેના લગ્નને લઈને ચર્ચા જાગી છે. ફેન્સ અવારનવાર તેમના લગ્ન અંગેના સવાલો મેકર્સને પૂછતા રહે છે. શોમાં તેમના લગ્નની વાતને લઈને અનેક એપિસોડ્સ બનાવવામાં આવ્યા છે, પરંતુ પોપટલાલના નસીબમાં હંમેશા નિરાશા જ આવી છે. જોકે, શ્યામ પાઠક સાથે વાસ્તવિક જીવનમાં આવું નથી.

4/6

એટલે કે, પોપટલાલનો રોલ કરનાર શ્યામ પાઠક રિયલ લાઈફમાં પરિણીત છે અને 'ફેમિલી મેન' છે. તેમણે વર્ષ 2003માં રશ્મિ પાઠક સાથે લગ્ન કર્યા હતા. આનો અર્થ એ થયો કે શોનો ભાગ બન્યાના 6 વર્ષ પહેલા જ પોપટલાલ લગ્નના બંધનમાં બંધાઈ ગયા હતા.

5/6

શ્યામ પાઠકના લગ્નને 23 વર્ષ થઈ ચૂક્યા છે અને તેઓ 3 બાળકોના પિતા પણ છે. તેઓ પોતાની પર્સનલ લાઈફ વિશે ખુલીને વાતો કરે છે અને તારક મહેતા કા ઉલ્ટા ચશ્મામાં પોતાના પાત્ર વિશે પણ પોતાના વિચારો વ્યક્ત કરતા રહે છે.

6/6

શ્યામ પાઠકે નેશનલ સ્કૂલ ઓફ ડ્રામા (NSD) માંથી અભિનયની તાલીમ મેળવી છે અને આ શોમાં જોડાતા પહેલા તેઓ મેન્ડરિન ફિલ્મ 'લસ્ટ કોશન'માં પણ જોવા મળ્યા હતા. ટીવી શોની વાત કરીએ તો, તેઓ જસ્સી જૈસી કોઈ નહીં અને સુખ બાય ચાન્સ જેવી સિરિયલોમાં પણ કામ કરી ચૂક્યા છે.