800 કરોડની હવેલી અને અબજોની દોલત... કેટલા અમીર છે સૈફ અલી ખાન? જાણો ક્યાં-ક્યાં આવેલી છે તેમની પ્રોપર્ટી

1/6

બોલીવુડ એક્ટર સૈફ અલી ખાનનો સંબંધ ભોપાલના નવાબ ખાનદાન સાથે છે. તેમના પિતા મન્સૂર અલી ખાન પટૌડી ભોપાલના નવાબ હતા. મધ્યપ્રદેશની રાજધાની ભોપાલમાં તેમની અબજોની પૈતૃક પ્રોપર્ટી પણ છે. જો કે નવાબ ખાનદાન સંબંધિત જમીનો અને સંપત્તિઓની માલિકી હકને લઈને ફરીથી તપાસની માગ ઉઠી છે. આનો આધાર 1949માં ભારત સરકાર અને તત્કાલીન ભોપાલ રિયાસત વચ્ચે થયેલા મર્જર એગ્રીમેન્ટને બનાવવામાં આવ્યો છે. આ મામલામાં સૈફ અલી ખાન, તેમના માતા અને દિગ્ગજ એક્ટ્રેસ શર્મિલા ટેગોર, તેમની બંને બહેનો સબા અલી ખાન અને સોહા અલી ખાનના નામ પણ છે.

2/6

સૈફ અલી ખાન પાસે જે સૌથી મોંઘી પ્રોપર્ટી છે તેમાં સૌથી પ્રખ્યાત નામ પટૌડી પેલેસનું છે. સૈફ અલી ખાન પાસે હરિયાણાના ગુરુગ્રામમાં પટૌડી પેલેસ નામની એક આલીશાન અને કિંમતી હવેલી છે.

3/6

હિન્દુસ્તાન ટાઇમ્સના રિપોર્ટ અનુસાર આ આલીશાન હવેલીની કિંમત અંદાજે 800 કરોડ રૂપિયા છે. 10 એકરમાં ફેલાયેલા આ પેલેસમાં એક મોટો બગીચો, 150 રૂમ, મોટો સ્વિમિંગ પૂલ, ખેતી માટેની જમીન વગેરે છે.

4/6

સૈફ તેમની પત્ની કરીના કપૂર ખાન અને દીકરાઓ સાથે પહેલા મુંબઈના બાંદ્રામાં સદગુરુ શરણ બિલ્ડિંગમાં એક આલીશાન ડુપ્લેક્સમાં રહેતા હતા.

5/6

મેજિકબ્રિક્સના રિપોર્ટ અનુસાર 10,000 ચોરસ ફૂટમાં ફેલાયેલા આ ઘરમાં 6 બાલ્કની, એક લાઇબ્રેરી, સ્વિમિંગ પૂલ, પાંચ બેડરૂમ અને એક જીમ વગેરે છે. આની કિંમત આશરે 50 કરોડ રૂપિયા છે. આ સિવાય ફોર્ચ્યુન હાઇટ્સ નામની બિલ્ડિંગમાં સૈફ પાસે બે એપાર્ટમેન્ટ છે. જેમાંથી એકની કિંમત 50 કરોડ રૂપિયા છે. આમાં જ સૈફ પોતાની ફેમિલી સાથે રહે છે.

6/6

Zapkey.com ના રિપોર્ટ અનુસાર એક્ટરના હિકન્સ રેસિડેન્સી નામની બિલ્ડિંગમાં 12મા અને 13મા ફ્લોર પર બીજા બે ફ્લેટ છે. આ બંને એપાર્ટમેન્ટ તેમણે વર્ષ 2015માં ભાડે આપ્યા હતા. આનાથી તેમને લાખો રૂપિયાનું ભાડું આવે છે. ઇકોનોમિક ટાઇમ્સના રિપોર્ટનું માનીએ તો સૈફની કુલ નેટવર્થ 1200 કરોડ રૂપિયાથી વધુ છે. સૈફ એક ફિલ્મ માટે અંદાજે દસ કરોડ રૂપિયા સુધીની ફી લે છે.