તારક મહેતા કા ઉલ્ટા ચશ્મા ટોપ 5 માંથી બહાર, શરદ કેલકરનો શો હિટ, જાણો TRPમાં કોણ આગળ?
ટીવી ફેન્સ દર અઠવાડિયે ટીઆરપી યાદીની રાહ જુએ છે. 45મા અઠવાડિયાના ટીઆરપી જાહેર થઈ ગયા છે. ટીઆરપી ચાર્ટમાં ટોપના 10 શો ગયા અઠવાડિયા જેટલા જ રહ્યા છે. જોકે, કેટલાક શોના ટીઆરપીમાં ઘટાડો થયો છે. આ વખતે ટીઆરપી યાદીમાં બહુ ફેરફાર થયો નથી, પરંતુ તારક મહેતા કા ઉલ્ટા ચશ્મા ટોપ 5 માંથી બહાર નીકળી ગયો છે.
તારક મહેતા કા ઉલ્ટા ચશ્મા આ વખતે ટોપ 5માંથી પણ બહાર નીકળી ગયો છે એટલે એવું લાગી રહ્યું છે કે, દર્શકોને હવે આ શો જોવાની મજા આવી રહી નથી એક સમયે આ શો દરેક દર્શકોનો લોકપ્રિય શો હતો.
બીજા બધા શોની જેમ, અનુપમા પણ નંબર વન પર છે. રૂપાલી ગાંગુલીનો શો ટીઆરપી રેસમાં આગળ છે અને બીજા કોઈ શોને તેનાથી આગળ નીકળવા દેતો નથી. ફેન્સે હંમેશા અનુપમાના ડ્રામાને પ્રેમ કર્યો છે, આ શોને 2.3 મિલિયન ઇમ્પ્રેશન મળ્યા છે.
બીજા નંબર પર ક્યુંકી સાસ ભી કભી બહુ થી છે. આ શો હાલમાં ઘણો નાટકીય બની રહ્યો છે. એક તરફ, તુલસીનો દીકરો અંગદ ભાગી ગયો છે અને વૃંદા સાથે લગ્ન કરી ચૂક્યો છે. આ દરમિયાન, મિહિર પણ તુલસીને છેતરપિંડી કરી રહ્યો છે અને લગ્ન તોડી નાખવાનું વિચારી રહ્યો છે. આગામી દિવસોમાં શોમાં હાઇ-વોલ્ટેજ ડ્રામા જોવા મળશે.
ત્રીજા નંબર પર શો ઉડાન આશા કી છે. ફેન્સ પણ આ શોને પસંદ કરી રહ્યા છે. ચોથા નંબર પર યે રિશ્તા ક્યા કહેલાતા હૈ આવી છે. ગયા અઠવાડિયે યે રિશ્તા ક્યા કહેલાતા હૈ છઠ્ઠા નંબર પર હતી.
શરદ કેલકરના શો તુમ સે તુમ તક પણ ટોપ 5 માં યથાવત છે. આ શોને 1.8 મિલિયન ઇમ્પ્રેશન મળ્યા છે. ગયા અઠવાડિયે તે ચોથા નંબર પર હતો અને હવે આ વખતે પાંચમા નંબર પર છે. નવમા નંબરે શો ગંગા માઈ કી બેટિયાં છે, અને દસમા નંબરે બિગ બોસ 19 છે. હાલમાં બિગ બોસ 19 પર ફેમિલી વીક ચાલી રહ્યું છે. ફેન્સ બિગ બોસ 19 ને ખૂબ જ પસંદ કરી રહ્યા છે.