બે-બે રેસ્ટોરન્ટનો માલિક છે તારક મહેતા કા ઉલ્ટા ચશ્માનો આ ફેમસ એક્ટર, ક્યારેક 7 વર્ષ સુધી રહ્યો હતો બેરોજગાર!
તારક મહેતા કા ઉલ્ટા ચશ્મા ટીવીનો એક એવો શો છે, જે દરેક ઘરમાં જોવામાં અને પસંદ કરવામાં આવે છે. આ શોએ ઘણા બધા કલાકારોને ઓળખ અપાવી છે. આ શોમાં કામ કરનારા તમામ કલાકારો દેશભરમાં ખૂબ જ પ્રખ્યાત છે. છેલ્લા દોઢ દાયકા કરતાં પણ વધુ સમયથી આ સીરિયલ અવિરતપણે દર્શકોનું મનોરંજન કરી રહી છે અને તેના દરેક પાત્રો લોકોના દિલમાં વસી ગયા છે. જેઠાલાલથી લઈને દયાબેન અને ટપ્પુ સેના સુધીના તમામ પાત્રોએ સોશિયલ મીડિયા પર પણ એક અલગ જ ક્રેઝ ઊભો કર્યો છે. પારિવારિક મૂલ્યો અને હળવા-ફૂલની કૉમેડીથી ભરપૂર આ શો આજે પણ TRP ચાર્ટમાં મોખરે રહે છે.
એક્ટર શરદ સાંકલાને પણ આ શોથી ખૂબ લોકપ્રિયતા મળી છે, જેમણે શાહરૂખ ખાન સાથે 'બાદશાહ' અને 'બાઝીગર' જેવી ફિલ્મોમાં પણ કામ કર્યું છે. તેઓ આ શોમાં અબ્દુલનું પાત્ર ભજવે છે. આ કેરેક્ટર પણ શો માટે ખૂબ જ મહત્વપૂર્ણ છે.
વર્ષ 2008માં જ્યારે તારક મહેતા કા ઉલ્ટા ચશ્માની શરૂઆત થઈ હતી, તે જ સમયે શરદ સાંકલા આ શો સાથે જોડાયા હતા. પરંતુ એક ઇન્ટરવ્યુમાં શરદ જણાવ્યું હતું કે આ શો મળતા પહેલા તેઓ 7 વર્ષ સુધી બેરોજગાર હતા, તેમની પાસે કોઈ કામ નહોતું.
જો કે શરદે ઘણી ફિલ્મોમાં કામ કર્યું છે, પરંતુ તારક મહેતા શોએ તેમને અસલી ઓળખ અપાવી છે. આજે તેમની પાસે કોઈ વસ્તુની કમી નથી. રિપોર્ટનું માનીએ તો આ શોના એક એપિસોડ માટે તેમને 35-40 હજાર રૂપિયાની ફી મળે છે.
મહિનામાં 26 દિવસ આ શો ટેલિકાસ્ટ થાય છે. આ રીતે શરદ આનાથી મહિનાના 9-10 લાખ રૂપિયાની કમાણી કરી લે છે. તેઓ આ શોથી તો પૈસા કમાય જ છે, સાથે જ તેમની પોતાની રેસ્ટોરન્ટ પણ છે. તેઓ બે રેસ્ટોરન્ટના માલિક છે. શરદ સાંકલાની બંને રેસ્ટોરન્ટ મુંબઈમાં છે. તેમની એક રેસ્ટોરન્ટનું નામ પાર્લે પોઇન્ટ છે, જે જુહુ વિસ્તારમાં છે. જ્યારે બીજી રેસ્ટોરન્ટનું નામ ચાર્લી કબાબ છે. આ રેસ્ટોરન્ટ અંધેરીમાં છે. આજે તેમની પાસે કોઈ પણ વસ્તુની કોઈ કમી નથી.