ગંગા નદીનું જળસ્તર વધ્યું, પ્રયાગરાજમાં પૂરનો ખતરો !

1/6

યુપીના પ્રયાગરાજમાં ગંગા નદી બે કાંઠે વહી રહી છે. નદી તટના ઘાટો ડૂબી ગયા છે. નદી તટે આવેલી દુકાનો પણ ખાલી કરી દેવી પડી છે. દિવસ જાય તેમ પ્રયાગરાજ ખાતે ગંગા નદીનું જળસ્તર વધી રહ્યુ છે. પરિણામે નીચાણવાળા વિસ્તારો પાણી પાણી થયા છે..લોકોના ઘરોમાં પણ પાણી ભરાઇ ગયા છે.

2/6

સંગમ શહેર પ્રયાગરાજમાં ગંગા અને યમુના નદીઓનું જળસ્તર ઝડપથી વધી રહ્યું છે. સતત વરસાદ અને બંધોમાંથી પાણી છોડવાને કારણે નદીઓમાં જળસ્તર ઝડપથી વધી રહ્યું છે.

3/6

છેલ્લા 24 કલાકમાં ફાફામઉમાં ગંગા નદીના જળસ્તરમાં 11 સેમી અને છટનાગમાં 9 સેમીનો વધારો થયો છે. જ્યારે નૈનીમાં યમુના નદીના જળસ્તરમાં 9 સેમીનો વધારો થયો છે.

4/6

ફાફામઉમાં ગંગાનું જળસ્તર 79.31 મીટર અને છટનાગમાં 78.25 મીટર માપવામાં આવ્યું હતું. નૈનીમાં યમુના નદીનું જળસ્તર 78.78 મીટર નોંધાયું હતું. જોકે બંને નદીઓ હાલમાં ભયના નિશાનથી લગભગ 5 મીટર નીચે વહી રહી છે, તેમ છતાં તેમનું વધતું જળસ્તર ચિંતાનો વિષય છે.

5/6

સંગમ વિસ્તારમાં સ્નાન ઘાટ ડૂબી ગયા છે અને પૂરનું પાણી બક્ષી ડેમ તરફ આગળ વધ્યું છે. પાણીનું સ્તર વધવાને કારણે વાહનચાલકો, દુકાનદારો, ઘાટ પર રહેતા લોકો અને યાત્રાળુઓ સુરક્ષિત સ્થળોએ સ્થળાંતર કરી ગયા છે. સંગમ ખાતે ગંગા અને યમુના નદીઓનું ભયનું સ્તર 84.734 મીટર છે.

6/6

સિંચાઈ વિભાગનો કંટ્રોલ રૂમ બંને નદીઓ પર 24 કલાક નજર રાખી રહ્યો છે. તેમજ કોઈપણ કટોકટીનો સામનો કરવા માટે સંગમ વિસ્તારમાં જળ પોલીસ અને SDRF ને તૈનાત કરવામાં આવ્યા છે. સંગમ શહેરમાં પૂરની સ્થિતિને ગંભીરતાથી જોવામાં આવી રહી છે અને સતત દેખરેખ દ્વારા તેને અસરકારક રીતે નિયંત્રિત કરવાના પ્રયાસો ચાલુ છે.