GST 2.0: રસોડાથી લઇને બાથરૂમ સુધી, થશે આ ચીજવસ્તુઓ સસ્તી
સરકારે GST સ્લેબમાં મોટા સુધારાની જાહેરાત કરી છે જે 22 સપ્ટેમ્બર 2025 થી અમલમાં આવશે. આ કર સુધારાઓ રોજિંદા ઉપયોગની ઘણી વસ્તુઓના ભાવમાં લગભગ 10-15% ઘટાડો કરશે. સરકારે 12 ટકા 28 ટકાનો ટેક્સ સ્લેબ હટાવી દીધો છે. જેથી કૃષિ મશીનરી, ડિશ વોશર, સાબુ શેમ્પુ, ટૂથબ્રશ, નાની કાર, એસી વગેરે પર લાગતા જીએસટી ટેક્સમાં ઘટાડો કરાયો છે. ત્યારે આવો જાણીએ રોજબરોજ ઉપયોગમાં આવતી કઇ ચીજ વસ્તુઓ સસ્તી થશે.
નવા GST દરોમાં, માખણ, ચીઝ, મીઠાઈઓ અને ખારા નાસ્તા જેવી વસ્તુઓ પરનો ટેક્સ 12% થી ઘટાડીને માત્ર 5% કરવામાં આવ્યો છે.
જ્યારે ચોકલેટ, બિસ્કિટ, કોર્નફ્લેક્સ, કોફી, આઈસ્ક્રીમ, બોટલ્ડ પાણી, હેર ઓઈલ, શેમ્પૂ, સાબુ, શેવિંગ ક્રીમ અને ટૂથપેસ્ટ પરનો ટેક્સ 18% થી ઘટાડીને 5% કરવામાં આવ્યો છે. આનો અર્થ એ થયો કે હવે આ બધી વસ્તુઓ સસ્તી થશે .ઘરગથ્થુ વસ્તુઓની ખરીદી પર પણ અસર પડશે.
સરકારે 22 સપ્ટેમ્બર 2025 થી અમલમાં આવનારા GST સ્લેબમાં મોટા સુધારાઓની જાહેરાત કરી છે. આ કર સુધારાઓ રોજિંદા ઉપયોગની ઘણી વસ્તુઓના ભાવમાં લગભગ 10-15% ઘટાડો કરવા જઈ રહ્યા છે. જોકે, ખાંડવાળા પીણાં પરનો ટેક્સ 28% થી વધારીને 40% કરવામાં આવ્યો છે.
આ ફેરફારથી હિન્દુસ્તાન યુનિલિવર, બ્રિટાનિયા, ડાબર, મેરિકો, ITC અને નેસ્લે જેવી મોટી FMCG કંપનીઓને ફાયદો થવાની ધારણા છે. આ કંપનીઓના ઉત્પાદનોની માંગ વધવાની શક્યતા છે કારણ કે હવે ઓછા ભાવને કારણે લોકો વધુ ખરીદી કરશે. આનાથી બજારમાં સ્પર્ધા પણ વધશે.
હવે GSTમાં ઘટાડાથી આ માલ સસ્તો થશે અને લોકોની ખરીદીમાં સુધારો થશે. નિષ્ણાતો માને છે કે આ ફેરફાર માત્ર ગ્રાહકો માટે ફાયદાકારક નથી, પરંતુ બજારમાં નવી ઉર્જા લાવવા માટે પણ નિર્ણાયક સાબિત થશે. નાના અને મોટા બંને વ્યવસાયોને આનો ફાયદો થશે અને આર્થિક પ્રવૃત્તિમાં સુધારો થશે.