Gujarat Visit PM Modi : વડાપ્રધાન નરેન્દ્ર મોદીએ બહુચરાજીના હાંસલપુર ખાતે મારૂતિ સુઝુકી પ્લાન્ટની લીધી મુલાકાત

1/6

વડાપ્રધાન નરેન્દ્ર મોદી ગુજરાતની 2 દિવસની મુલાકાતે છે. પીએમ મોદી 25 અને 26 ઓગસ્ટ એમ બે દિવસ ગુજરાતના પ્રવાસે છે. આ બંને દિવસ દરમિયાન અમદાવાદ અને ગાંધીનગરમાં શહેરી વિકાસને લગતા ₹2548 કરોડના પ્રોજેક્ટ્સનું લોકાર્પણ અને ખાતમુહૂર્ત કરશે. વડાપ્રધાન દ્વારા ગુજરાતને આ ભેટ એવા સમયે મળશે જ્યારે રાજ્ય શહેરી વિકાસ વર્ષની ગૌરવપૂર્ણ ઉજવણી કરી રહ્યું છે. ગુજરાતના તત્કાલીન મુખ્યમંત્રી તરીકે નરેન્દ્ર મોદીએ શરૂ કરેલી રાજ્યની શહેરી વિકાસ યાત્રાને આજે 20 વર્ષ પૂરા થઈ ચૂક્યા છે. આ બે દાયકાની સિદ્ધિને આગળ ધપાવતાં ગુજરાત સરકાર નાગરિકો માટે ઇઝ ઑફ લિવિંગના સતત પ્રયાસો કરી રહી છે.

2/6

વડાપ્રધાન મોદીએ ગુજરાત પ્રવાસનો બીજા દિવસે બહુચરાજીના હાંસલપુર ખાતે મારૂતિ સુઝુકી પ્લાન્ટની મુલાકાત લીધી. આ પ્રસંગે પીએમ મોદી સાથે રાજ્યના મુખ્યમંત્રી ભૂપેન્દ્ર પટેલ પણ હતા.

3/6

વડાપ્રધાન મોદીએ મારૂતિ સુઝુકી પ્લાન્ટ ખાતે સુઝુકી કંપનીના ટોચના અધિકારીઓ સાથે મુલાકાત કરી હતી. તેમણે સમગ્ર પ્લાન્ટની મુલાકાત લઈને વિવિધ બેટરી અંગે જાણકારી મેળવી હતી.

4/6

વડાપ્રધાન મોદીએ સુઝુકી કંપનીના અધિકારીઓ સાથે બેટરી અને કાર અંગે જાણકારી મેળવી હતી. આ કાર સિંગલ ચાર્જમાં 500 કિલોમીટર સુધી દોડશે.

5/6

હાંસલપુર ખાતેના સુઝુકી પ્લાન્ટનો ઇલેકટ્રીક વાહનના વેચાણમાં નોંધપાત્ર ફાળો રહેશે. ઓટોમોબાઈલ હબમાં ગુજરાતનું આ સૌથી મોટું પગલું માનવામાં આવે છે. આ ઇલેક્ટ્રિક વ્હીકલ 100 દેશોમાં પણ એક્સપોર્ટ થશે.

6/6

આજે બીજા દિવસે PM મોદીએ હાંસલપુર ખાતે સુઝુકી કંપનીની પહેલી ઈલેક્ટ્રિક કાર 'Maruti e Vitara'કારને લોન્ચ કરી હતી અને બેટરી પ્લાન્ટનું ઉદ્ઘાટન કર્યું છે.