પ્રધાનમંત્રી નરેન્દ્ર મોદીએ સત્તાનું સુકાન સંભાળ્યું તેને 07 ઓક્ટોબરે 24 વર્ષ પૂર્ણ થશે
યુવાનોના કૌશલ્યને બજારની જરૂરિયાતો મુજબ તૈયાર કરવાના ઉદ્દેશ્યથી, તત્કાલીન મુખ્યમંત્રી નરેન્દ્ર મોદીએ 2009માં ગુજરાત કૌશલ્ય વિકાસ મિશન (GSDM)ની શરૂઆત કરી. આ મિશન હેઠળ રાજ્યભરમાં કૌશલ્યવર્ધન કેન્દ્રો શરૂ કરાયાં. મુખ્યમંત્રી શ્રી ભૂપેન્દ્રભાઈના નેતૃત્વમાં આજે આ કૌશલ્ય કેન્દ્રો વિકસી રહ્યા છે. આ પહેલ યુવાનોના આર્થિક સશક્તિકરણનો પાયો બની.
ગુજરાત સરકારની આ યોજના યુવાનોને સ્વરોજગાર માટે મહત્વપૂર્ણ બની રહી છે
છેલ્લાં દસ વર્ષોમાં કેન્દ્ર સરકાર પ્રધાનમંત્રી કૌશલ વિકાસ યોજના દ્વારા લગભગ 40 ક્ષેત્રોમાં યુવાનોને ઉદ્યોગની માંગ મુજબ તાલીમ આપી રહી છે
આ મિશન દ્વારા દેશમાં અત્યાર સુધીમાં 6 કરોડથી વધુ યુવાનોને સશક્ત બનાવવામાં આવ્યા છે, જે આજે વિકસિત ભારતના નિર્માણમાં નોંધપાત્ર યોગદાન આપી રહ્યા છે
પ્રધાનમંત્રી બન્યા પછી નરેન્દ્ર મોદીએ ગુજરાતના આ સફળ મોડેલને રાષ્ટ્રીય સ્તરે સ્કીલ ઈન્ડિયા સ્વરૂપે વિકસાવ્યું
15 જુલાઈ 2015ના રોજ સ્કિલ ઇન્ડિયા મિશનનો આરંભ થયો, આ મિશનને દેશમાં નવી ઊર્જાનો સંચાર કરનારો અને યુવાનોના આર્થિક સશક્તિકરણનું માધ્યમ ગણાવ્યું
તાલીમાર્થી નીલ નાઈ અને અન્ય યુવાનો સફળતાપૂર્વક આ તાલીમ મેળવી રોજગાર પ્રાપ્ત કરી રહ્યા છે. કૌશલ્ય વિકાસના નિર્દેશક આ મિશનની ફલશ્રુતિ ગણાવે છે