આજે આંતરરાષ્ટ્રીય યોગ દિવસ છે. વિશ્વ ભરમાં યોગ દિવસ ઉજવાઇ રહ્યો છે. અમેરિકા, લંડન સહિત વિદેશોમાં પણઁ યોગ દિવસની ઉજવણી કરવામાં આવી. ત્યારે ભારતમાં આજનો દિવસ યોગને સમર્પિત જ જોવા મળ્યો. સમુદ્ર, નદી કિનારે તથા પહાડોમાં પણ યોગાભ્યાસ કરતા જોવા મળ્યા. રાજકીય દિગ્ગજો હોય કે પછી સેનાના જવાનો. બોલિવૂડ અભિનેતાઓ હોય કે પછી સામાન્ય જનતા. સૌ કોઇએ યોગ કરીને યોગા દિનની ઉજવણી કરી.
આજે આંતરરાષ્ટ્રીય યોગ દિવસ છે. વિશ્વ ભરમાં યોગ દિવસ ઉજવાઇ રહ્યો છે. અમેરિકા, લંડન સહિત વિદેશોમાં પણઁ યોગ દિવસની ઉજવણી કરવામાં આવી. ત્યારે ભારતમાં આજનો દિવસ યોગને સમર્પિત જ જોવા મળ્યો. સમુદ્ર, નદી કિનારે તથા પહાડોમાં પણ યોગાભ્યાસ કરતા જોવા મળ્યા. રાજકીય દિગ્ગજો હોય કે પછી સેનાના જવાનો. બોલિવૂડ અભિનેતાઓ હોય કે પછી સામાન્ય જનતા. સૌ કોઇએ યોગ કરીને યોગા દિનની ઉજવણી કરી.
તમિલનાડુના કોઈમ્બતુરના ઈશા યોગ કેન્દ્રમાં સંરક્ષણ કર્મચારીઓ યોગ કરે છે. યોગની સાથે સાથે અહીં આદ્યાત્મિકતા પણ અનુભવાય છે. અહીં સાધક યોગ અને મેડિટેશનથી લઇને સેવાકીય કાર્યો પણ કરવામાં આવે છે.
ઉધમપુરના સુઈ ખાતે 13 મી બટાલિયનના કેમ્પસમાં 11મા આંતરરાષ્ટ્રીય યોગ દિવસની ઉજવણી કરવામાં આવી હતી. યોગ સત્રમાં નેશનલ ડિઝાસ્ટર રિસ્પોન્સ ફોર્સ (NDRF) દ્વારા તાલીમ પામેલો એક શ્વાન આકર્ષણનું કેન્દ્ર બન્યો હતો. એનડીઆરએફના જવાનોની સાથે આ શ્વાને પણ યોગા કર્યા. મહત્વનું છે કે NDRF દ્વારા આ કૂતરાને દત્તક લેવામાં આવ્યો હતો અને તેને તાલીમ આપવામાં આવી હતી.
વિદેશમંત્રી એસ જયશંકરે પણ દિલ્હીમાં યોગ કર્યા. "એક પૃથ્વી, એક સ્વાસ્થ્ય માટે યોગ" થીમ હેઠળ #InternationalYogaDayની ઉજવણી કરવામાં આવી. યોગ કરવા માટે વિદેશ મંત્રી ડૉ. એસ. જયશંકર ભારતમાં વિશ્વભરના રાજદ્વારી મિશનના મહાનુભાવો સાથે જોડાયા હતા.
આંતરરાષ્ટ્રીય યોગ દિવસ 2025 ની ઉત્સાહપૂર્ણ શરૂઆત થઇ. ભારતીય કોસ્ટ ગાર્ડ રિજન ઇસ્ટ એ જમીન અને સમુદ્રમાં યોગ કર્યા. વિશાખાપટ્ટનમ (ICG DHQ-6) ખાતે 200+ કર્મચારીઓ અને પરિવારો એક થયા હતા. ICG જહાજ રાની અબ્બક્કાએ તમિલનાડુના પવિત્ર કિનારા પર યોગનો અભ્યાસ કર્યો. ICG જહાજ શૌર્યએ સમુદ્રમાં શાંત યોગનું નેતૃત્વ કર્યું.
આંતરરાષ્ટ્રીય યોગ દિવસ પર ITBP એ પેંગોંગ ત્સો નદીના કિનારે 14,100–14,200 ફૂટની ઊંચાઈ પર સ્થિત BOPs ધન સિંહ થાપા અને ચાર્ટસે (24 બટાલિયન, લેહ) ખાતે યોગ કર્યા.