કોણે કરી હતી બાઇકની શોધ? ભારતની ધરતી પર પહેલીવાર ક્યારે આવી હતી?

1/6

શહેરમાં આવવા-જવા માટેથી લઈને લાંબા અંતરની સફર સુધી બાઇક રોજિંદી જિંદગીમાં એક મોટી ભૂમિકા ભજવે છે. આજે ભારત દુનિયાના સૌથી મોટા ટુ-વ્હીલર બજારોમાંથી એક છે. પરંતુ ખૂબ ઓછા લોકો જાણે છે કે પહેલી બાઇક કોણે બનાવી હતી અથવા તો બાઇક પહેલીવાર ભારતીય રસ્તાઓ પર ક્યારે આવી હતી. દુનિયાની પહેલી બાઇક કોણે બનાવી? દુનિયાની પહેલી પેટ્રોલથી ચાલતી બાઇક 1885માં જર્મન એન્જિનિયર ગોટલીબ ડેમલર અને તેમના સાથી વિલ્હેમ મેબેકે બનાવી હતી. આ જોડીએ ઇન્ટરનલ કમ્બશન એન્જિનથી ચાલતું એક વાહન બનાવ્યું અને 29 ઓગસ્ટ 1885ના રોજ પોતાની શોધ માટે પેટન્ટ મેળવી.

2/6

આ મોટરસાઇકલનું નામ ડેમલર રીટવેગન રાખવામાં આવ્યું હતું. જેનો અર્થ થાય છે રાઇડિંગ કાર. આ આજની બાઇકથી ઘણી અલગ હતી અને આજે રસ્તાઓ પર દેખાતી બાઇકોના બદલે લાકડાની સાઇકલ જેવી વધુ દેખાતી હતી. ડેમલર રીટવેગન મુખ્ય રૂપે લાકડાની બનેલી હતી અને તેની ફ્રેમ સાઇકલ જેવી હતી. પેડલના બદલે આ વાહનની વચ્ચે એક નાનું પેટ્રોલ એન્જિન લગાવવામાં આવ્યું હતું. સ્થિરતાને વધુ સારી બનાવવા માટે તેની બાજુઓ પર નાના સપોર્ટ વ્હીલ પણ લગાવવામાં આવ્યા હતા. જો કે આજના માપદંડો પ્રમાણે તે ઘણી વધારે સાધારણ હતી.

3/6

ભારતમાં બાઇક કેવી રીતે આવી? ભારતમાં બાઇકનો ઇતિહાસ બ્રિટિશ કાળમાં શરૂ થયો હતો. ખરેખર તો અધિકારીઓ અને શોખીનો દ્વારા મર્યાદિત સંખ્યામાં ઇમ્પોર્ટેડ બાઇકનો ઉપયોગ કરવામાં આવતો હતો. જો કે આઝાદી પછીથી જ બાઇક મોટા પાયે ભારતમાં આવી.

4/6

1949માં મદ્રાસ મોટર્સે બ્રિટનથી રોયલ એનફિલ્ડ બાઇક ઇમ્પોર્ટ કરવાનું શરૂ કર્યું. રોયલ એનફિલ્ડ 350cc બુલેટ જેવા મોડલ પોતાની મજબૂતી અને પર્ફોર્મન્સના કારણે પ્રખ્યાત થયા.

5/6

ભારતીય સેનાની ભૂમિકા 1952માં એક મોટો વળાંક આવ્યો જ્યારે ભારત સરકારે સેનાના ઉપયોગ માટે 500 રોયલ એનફિલ્ડ બુલેટ બાઇક મગાવી. આ બાઇકને કાશ્મીર અને રાજસ્થાન જેવા મુશ્કેલ વિસ્તારોમાં તૈનાત કરવામાં આવી હતી. અહીં ઉબડ-ખાબડ રસ્તાઓ પર ભરોસાપાત્ર ટ્રાન્સપોર્ટેશનની ખૂબ વધારે જરૂર હતી. બુલેટની મજબૂત બનાવટ અને મુશ્કેલ પરિસ્થિતિઓમાં પણ સારું પર્ફોર્મન્સ આપવાની ક્ષમતાએ સેના અને સામાન્ય લોકોને ખૂબ વધારે પ્રભાવિત કર્યા.

6/6

ભારતનું પહેલું બાઇક મેન્યુફેક્ચરિંગ પ્લાન્ટ જેમ-જેમ બાઇકની માગ વધતી ગઈ, મદ્રાસ મોટર્સે 1955માં બ્રિટિશ કંપની રોયલ એનફિલ્ડ સાથે મળીને એનફિલ્ડ ઇન્ડિયાની શરૂઆત કરી. આ સાથે જ ચેન્નઈમાં ભારતની પહેલું બાઇકનું મેન્યુફેક્ચરિંગ યુનિટ બની.