Makar Sankranti 2026: CM ભૂપેન્દ્ર પટેલે પતંગ ચગાવી ઉજવી ઉત્તરાયણ, જુઓ Photos
આજે ઉત્તરાયણના પર્વે મુખ્યમંત્રી ભૂપેન્દ્ર પટેલે અમદાવાદના દરિયાપુર વિસ્તારમાં પતંગ ચગાવીને ઉત્સવનો આનંદ માણ્યો હતો. પતંગબાજી સાથે તેમણે ચીકીનો સ્વાદ પણ લીધો હતો. મુખ્યમંત્રીએ ચાઈનીઝ દોરી સામે સરકારની કડક કાર્યવાહીની ખાતરી આપી હતી અને નાગરિકોને પશુ-પક્ષીઓ તેમજ પોતાની સુરક્ષા સાથે પર્વ ઉજવવા અપીલ કરી હતી. રાજ્યભરમાં 'એ કાઈપો છે' અને 'લપેટ લપેટ'ના નાદ સાથે આકાશ રંગબેરંગી પતંગોથી છવાઈ ગયું છે.
દરિયાપુરની પોળમાં મુખ્યમંત્રીનો પતંગોત્સવ અમદાવાદનો દરિયાપુર વિસ્તાર આજે એક અલગ જ ઉત્સાહમાં જોવા મળ્યો હતો. મુખ્યમંત્રી ભૂપેન્દ્ર પટેલે દરિયાપુરની પોળમાં પતંગ ઉડાવીને ઉત્તરાયણ પર્વની ઉજવણી કરી હતી. તેમણે સ્થાનિકો સાથે મળીને પતંગ ચગાવ્યા હતા અને સામાન્ય નાગરિકની જેમ તહેવારની મોજ માણી હતી.
પતંગબાજી સાથે ચીકીનો સ્વાદ માત્ર પતંગ જ નહીં, પણ પરંપરાગત ખાન-પાનમાં પણ મુખ્યમંત્રીએ રસ દાખવ્યો હતો. પતંગ ચગાવ્યા બાદ તેમણે ચીકીનો સ્વાદ માણ્યો હતો. આ તકે તેમણે લોકો સાથે મુલાકાત કરી ઉત્તરાયણની શુભકામનાઓ પાઠવી હતી.
આકાશમાં રંગોની અને પોળમાં બૂમોની રમઝટ સમગ્ર ગુજરાતના આકાશમાં વહેલી સવારથી જ રંગબેરંગી પતંગોની જમાવટ જોવા મળી છે. ખાસ કરીને અમદાવાદની પોળોમાં 'લપેટ.. લપેટ..' અને 'એ કાઈપો છે'ની બૂમોથી વાતાવરણ ગુંજી ઉઠ્યું છે. પતંગરસિકો પેચ લડાવીને ભારે રોમાંચ અનુભવી રહ્યા છે.
સુરક્ષિત ઉત્તરાયણની અપીલ મુખ્યમંત્રીએ પતંગબાજી દરમિયાન નાગરિકોને સુરક્ષા જાળવવા ખાસ અપીલ કરી હતી. તેમણે જણાવ્યું કે, ચાઈનીઝ દોરી પર સરકાર કડક છે અને કોઈ પણ પક્ષી કે માનવી માટે આ દોરી ખતરનાક સાબિત ન થાય તેની તકેદારી રાખવી અનિવાર્ય છે.