Happy birthday Ahmedabad : 5 સુપર હોલસેલ માર્કેટ્સ, જ્યાં ભાવ ઓછા અને વેરાયટી જબરદસ્ત
અમદાવાદમાં અનેક હોલસેલ માર્કેટ્સ છે જ્યાં સસ્તા ભાવે અને વિશાળ વેરાયટી સાથે ખરીદી કરી શકાય છે. Pankore Nakaથી લઈને Lati Bazaar સુધી નાસ્તા, કપડાં, તહેવાર સામાન અને ફર્નિચર મટિરિયલ સરળતાથી મળે છે. વેપારીઓ અને રિટેલર્સ માટે આ માર્કેટ્સ નફાકારક ખરીદીનું બેસ્ટ કેન્દ્ર છે. ગુણવત્તા, તાજગી અને વ્યાજબી ભાવના કારણે અમદાવાદીઓ અહીંથી મોટા પાયે ખરીદી કરે છે.
બિસ્કિટ ગલી – પાનકોર નાકા Pankore Naka ખાતે આવેલી બિસ્કિટ ગલી અમદાવાદનું સૌથી જૂનું અને પ્રખ્યાત બેકરી હોલસેલ માર્કેટ છે. અહીં તાજા બિસ્કિટ, ખારી, ટોસ્ટ, નાનખટાઈ અને ક્રીમ રોલ ભઠ્ઠીમાંથી નીકળેલા ગરમાગરમ મળે છે. સવારની ચા સાથે નાસ્તો કરવા માટે અમદાવાદીઓ કિલોના ભાવે સ્વાદિષ્ટ નાસ્તો અહીંથી ખરીદે છે, જેથી વેપારીઓ અને નાસ્તાના શોખીનો માટે આ બેસ્ટ સ્થળ ગણાય છે.
લાટી બજાર – સારંગપુર Lati Bazaar અમદાવાદનું સૌથી મોટું લાકડા અને ફર્નિચર મટિરિયલ માર્કેટ છે. અહીં સાગ, સીસમ અને અન્ય ઈમારતી લાકડું સાથે પ્લાયવુડ, સનમાઈકા અને લેમિનેટ્સ પણ હોલસેલ ભાવે મળે છે. નવું ઘર બનાવતા લોકો અને ફર્નિચર કોન્ટ્રાક્ટરો માટે એક જ જગ્યાએ બધો કાચો માલ વ્યાજબી ભાવે મળતો હોવાથી આ માર્કેટ ખૂબ મહત્વપૂર્ણ ગણાય છે.
રાયપુર ચકલા – કંકોત્રી અને પ્રિન્ટિંગ માર્કેટ Raipur Chakla લગ્ન પ્રસંગોની કંકોત્રી માટે અમદાવાદનું સૌથી સસ્તુ અને મુખ્ય બજાર છે. અહીં સાદા કાર્ડથી લઈને રજવાડી અને લેસર કટ ડિઝાઈન સુધીની વિશાળ શ્રેણી ઉપલબ્ધ છે. ફેન્સી પેપર, ગિફ્ટ બોક્સ અને પ્રિન્ટિંગ મટિરિયલ હોલસેલ ભાવે મળે છે તેમજ ગ્રાહકો પોતાની પસંદગી મુજબ કસ્ટમાઈઝેશન પણ સસ્તા દરે કરાવી શકે છે.
હોળી હોલસેલ માર્કેટ – પાનકોર નાકા હોળી-ધુળેટી પહેલા Pankore Naka રંગોનું ખાસ હબ બની જાય છે. અહીં હર્બલ કલર, ગુલાલ, પિચકારીઓ, મેજિક બલૂન્સ અને ઇલેક્ટ્રિક વોટર ગન હોલસેલ ભાવે મળે છે. ઓર્ગેનિક રંગો અને સુગંધી ગુલાલ કિલોના ભાવે મળતા હોવાથી તહેવાર માટે સ્ટોલ લગાવનાર વેપારીઓ માટે આ સૌથી નફાકારક માર્કેટ છે.
લક્ષ્મી વિષ્ણુ માર્કેટ – ઘીકાંટા Laxmi Vishnu Market પુરુષોના શર્ટિંગ-શૂટિંગ માટેનું હબ માનવામાં આવે છે. અહીં લેટેસ્ટ કલેક્શન, ફોર્મલ વેર, ટ્રેન્ડી ડિઝાઈન અને લગ્નસરા માટે શેરવાની-સૂટ જેવી વેરાયટી હોલસેલ ભાવે મળે છે. શોરૂમ કરતા ઘણા સસ્તા ભાવે બ્રાન્ડેડ કપડાં મળતા હોવાથી રિટેલર્સ અને ગ્રાહકો માટે આ માર્કેટ ખૂબ લોકપ્રિય છે.