ઉમરેઠ વિધાનસભા પેટા ચૂંટણી 2026, પૂર્વ ધારાસભ્ય ગોવિંદભાઈ પરમારના નિધન બાદ ખાલી પડેલી બેઠક પર આજે મતદાન
ઉમરેઠ વિધાનસભા બેઠક પર આજે પેટા ચૂંટણી માટે મતદાન પ્રક્રિયા શરૂ થઈ ગઈ છે. પૂર્વ ધારાસભ્ય ગોવિંદભાઈ પરમારના દુખદ નિધન બાદ આ બેઠક ખાલી પડી હતી.
આણંદ જિલ્લાની પ્રતિષ્ઠિત ઉમરેઠ વિધાનસભા બેઠક પર આજે પેટા ચૂંટણી માટે મતદાન પ્રક્રિયા શરૂ થઈ ગઈ છે. પૂર્વ ધારાસભ્ય ગોવિંદભાઈ પરમારના દુખદ નિધન બાદ આ બેઠક ખાલી પડી હતી.
સવારથી જ મતદારોમાં અનેરો ઉત્સાહ જોવા મળી રહ્યો છે, જેમાં ખાસ કરીને 4,174 જેટલા નવયુવાન મતદારો પ્રથમ વખત પોતાના મતાધિકારનો ઉપયોગ કરી રહ્યા છે.
આ બેઠક પર ભાજપ અને કોંગ્રેસ વચ્ચે સીધો જંગ ખેલાઈ રહ્યો છે. ભાજપે સ્વ. ગોવિંદભાઈ પરમારના પુત્ર હર્ષદ પરમારને મેદાનમાં ઉતાર્યા છે, જ્યારે કોંગ્રેસ તરફથી ભૃગુરાજસિંહ ચૌહાણ મેદાનમાં છે.
આ બેઠક પૂર્વ મુખ્યમંત્રી માધવસિંહ સોલંકીનો પરંપરાગત ગઢ ગણાય છે, જોકે છેલ્લી બે ટર્મથી ભાજપે અહીં ગાબડું પાડ્યું છે. આ વખતે ક્ષત્રિય ઉમેદવારો વચ્ચેના જંગમાં પાટીદાર મતદારો નિર્ણાયક ભૂમિકા ભજવશે તેવું મનાય છે.
ચૂંટણીને પગલે 306 મતદાન મથકો પર ચાંપતો પોલીસ બંદોબસ્ત ગોઠવી દેવામાં આવ્યો છે. સાંજે 6 વાગ્યા સુધી મતદાન ચાલશે. ઉલ્લેખનીય છે કે ઉમરેઠ સિલ્ક સિટી તરીકે જાણીતું હોવાથી અહીં વેપારી વર્ગનું પ્રભુત્વ વધારે છે અને તેમના મતો પરિણામમાં મહત્વનો ભાગ ભજવશે.