Surat News: ડુમસ સી-ફેસ ડેવલપમેન્ટ પ્રોજેક્ટનું લોકાર્પણ કરાયું, જુઓ Photos
સુરતવાસીઓનું માનીતું પિકનિક સ્પોટ હવે આંતરરાષ્ટ્રીય સ્તરના પ્રવાસન ધામ તરીકે ઉભરી આવ્યું છે. આજે સુરતના પ્રખ્યાત ડુમસ બીચ ખાતે તૈયાર કરવામાં આવેલા 'ડુમસ સી-ફેસ ડેવલપમેન્ટ પ્રોજેક્ટ' ના ફેઝ-1 નું ભવ્ય લોકાર્પણ કરવામાં આવ્યું છે. આ સાથે જ સુરત મહાનગરપાલિકા (SMC) દ્વારા શહેરને કરોડો રૂપિયાના વિકાસકામોની ભેટ મળી છે.
આ કાર્યક્રમ માત્ર ડુમસ બીચ પુરતો મર્યાદિત ન રહ્યો. સી.આર.પાટીલના હસ્તે કુલ રૂ. 673.12 કરોડ ના વિવિધ પ્રકલ્પોનું લોકાર્પણ કરવામાં આવ્યું હતું. આ ઉપરાંત, ભવિષ્યના વિકાસ માટે રૂ. 247.80 કરોડ ના કામોનું ખાતમુહૂર્ત પણ કરવામાં આવ્યું છે.
અગાઉ આ પ્રોજેક્ટનું ઉદ્ઘાટન ગુજરાતના મુખ્યમંત્રી ભૂપેન્દ્ર પટેલ દ્વારા કરવામાં આવનાર હતું, પરંતુ કાર્યક્રમમાં અચાનક ફેરફાર થતા આ જવાબદારી કેન્દ્રીય જળશક્તિ મંત્રી સી.આર.પાટીલને સોંપવામાં આવી હતી. તેમના હસ્તે આ પ્રોજેક્ટ જનતા માટે ખુલ્લો મૂકાયો હતો.
આ પ્રસંગે રાજ્યના ગૃહ રાજ્યમંત્રી હર્ષ સંઘવી પણ ખાસ ઉપસ્થિત રહ્યા હતા.
આ પ્રોજેક્ટથી સુરતના પ્રવાસન ક્ષેત્રને મોટો વેગ મળશે અને સ્થાનિક રોજગારીની તકો પણ ઊભી થશે.
