Test ક્રિકેટમાં સૌથી વધુ બોલ ફેંકનારા બોલરો, ટોપ-5માં માત્ર એક જ ભારતીય

1/6

ક્રિકેટના ત્રણેય ફોર્મેટમાં સૌથી મુશ્કેલ ટેસ્ટ છે, જ્યાં બેટ્સમેન અને બોલર બંનેને પોતાને સાબિત કરવાનો મોટો ચેલેન્જ હોય છે. ટેસ્ટ ફોર્મેટમાં ઘણા બોલરો એવા રહ્યા છે જેમના કરિયર ખૂબ જ જલ્દી સમાપ્ત થઈ ગઈ, જ્યારે કેટલાક એવા પણ હતા જેમને લાંબા સમય સુધી આ ફોર્મેટમાં પોતાનું વર્ચસ્વ જમાવ્યું. તમને અત્યાર સુધી ટેસ્ટમાં સૌથી વધુ બોલ ફેંકનારા ટોપ-5 બોલરો વિશે જણાવી દઈએ.

2/6

આ લિસ્ટમાં પહેલા નંબર પર શ્રીલંકન ટીમના ભૂતપૂર્વ ઓફ-સ્પિન બોલર મુથૈયા મુરલીધરનનું નામ છે. મુરલીધરને તેના કરિયરમાં કુલ 133 ટેસ્ટ મેચ રમી હતી જેમાં તેને 230 ઈનિંગ્સમાં બોલિંગ કરવાની તક મળી હતી. આ સમયગાળા દરમિયાન મુરલીધરને કુલ 44039 બોલ ફેંક્યા હતા જે આજ સુધીનો રેકોર્ડ છે. મુરલીધરન ટેસ્ટમાં 800 વિકેટ લેનાર એકમાત્ર બોલર પણ છે.

3/6

ભારતીય ટીમના ભૂતપૂર્વ કેપ્ટન અનિલ કુંબલેની ગણતરી વર્લ્ડ ક્રિકેટના દિગ્ગજ બોલરોમાં થાય છે, જેમાં તેમને 132 ટેસ્ટ મેચ રમતી વખતે કુલ 236 ઈનિંગ્સમાં બોલિંગ કરી હતી. કુંબલે આ સમયગાળા દરમિયાન 40850 બોલ ફેંકવામાં સફળ રહ્યા હતા. કુંબલેના નામે ટેસ્ટ ક્રિકેટમાં 619 વિકેટ છે.

4/6

ઓસ્ટ્રેલિયાના ભૂતપૂર્વ લેગ-સ્પિન બોલર શેન વોર્નનું નામ આ લિસ્ટમાં ત્રીજા નંબરે છે. વોર્ને કુલ 145 ટેસ્ટ મેચ રમી હતી જેમાં તેને 273 ઈનિંગ્સમાં બોલિંગ કરી હતી. વોર્ને ટેસ્ટમાં કુલ 40705 બોલ ફેંક્યા હતા. વોર્ને ટેસ્ટમાં 25.41 ની એવરેજથી કુલ 708 વિકેટ લેવામાં સફળ રહ્યો.

5/6

ઈંગ્લેન્ડના દિગ્ગજ ફાસ્ટ બોલર જેમ્સ એન્ડરસન આ લિસ્ટમાં ચોથા ક્રમે છે. એન્ડરસને પોતાના કરિયરમાં કુલ 188 ટેસ્ટ મેચ રમી છે અને 350 ઈનિંગ્સમાં બોલિંગ કરી છે. એન્ડરસને ટેસ્ટમાં 40037 બોલ ફેંકવામાં સફળ રહ્યા છે અને કુલ 704 વિકેટો તેમના નામે છે.

6/6

આ લિસ્ટમાં પાંચમા ક્રમે ઓસ્ટ્રેલિયાના ઓફ-સ્પિન બોલર નાથન લાયનનું નામ છે, જેને હજુ સુધી નિવૃત્તિની જાહેરાત કરી નથી. લાયને અત્યાર સુધીમાં 138 ટેસ્ટ મેચ રમી છે, જેમાં તેને 256 ઈનિંગ્સમાં 34339 બોલ ફેંક્યા છે. લાયનના નામે કુલ 554 વિકેટ છે.