Asia Cup 2025 Final : ભારતીય ટીમ પાકિસ્તાનને હરાવીને બની 'ચેમ્પિયન', ફેન્સે ફટાકડા ફોડીને કરી ઉજવણી
ભારતીય ટીમે ફરી એક વખત એશિયા કપનો ખિતાબ પોતાના નામે કરી લીધો છે. દુબઈમાં પાકિસ્તાનને 5 વિકેટે હરાવીને ભારતે એશિયા કપ 2025નું ટાઈટલ જીત્યું છે. કુલદીપ યાદવની ઘાતક બોલિંગ અને તિલક વર્માની ધારદાર બેટિંગના કારણે ભારતને આ ટાઈટલ જીતવામાં મોટી સફળતા મળી છે.
તમને જણાવી દઈએ કે ભારતે આ ટૂર્નામેન્ટમાં પાકિસ્તાન સામે જીતની હેટ્રિક પૂરી કરી અને સાથે જ 9મી વખત એશિયા કપની ટ્રોફી પર કબ્જો કર્યો છે. પાકિસ્તાનની ટીમે જીત મેળવવા માટે ભારતને 147 રનનો ટાર્ગેટ આપ્યો હતો, જેને ચેસ કરીને ભારતે ટાઈટલ જીત્યું છે.
ભારતીય ટીમની જીત બાદ ફેન્સ અલગ અલગ રીતે જીતની ઉજવણી કરી રહ્યા છે. લોકો ફટાકડા ફોડી અને ડાન્સ કરીને જીતની ઉજવણી કરી રહ્યા છે.
ભારતીય ટીમે જીત મેળવ્યા બાદ તરત જ લોકો ઉજવણી કરવા માટે પોતાના ઘરની બહાર દોડી આવ્યા છે અને રસ્તાઓ ઉપર એકઠા થઈને ઉજવણી કરી રહ્યા છે.
અમદાવાદ, વડોદરા, સુરત, રાજકોટમાં લોકો ભેગા થયા છે અને ફટાકડા ફોડી, મીઠાઈ ખવડાવીને એકબીજા સાથે જીતની ઉજવણી કરી રહ્યા છે.
