Test ક્રિકેટમાં એક ઈનિંગમાં સૌથી વધુ રન બનાવનાર બેટ્સમેન, સ્ટાર ખેલાડીએ મચાવી ધૂમ

1/6

સાઉથ આફ્રિકાની ટીમ હાલમાં ઝિમ્બાબ્વેના પ્રવાસે છે. બંને દેશો વચ્ચે બે મેચની ટેસ્ટ સિરીઝની બીજી મેચ બુલાવાયોમાં રમાઈ રહી છે. આ મેચમાં સાઉથ આફ્રિકાના સ્ટેન્ડ-ઈન કેપ્ટન વિઆન મુલ્ડરે શાનદાર બેટિંગ કરી અને ત્રેવડી સદી ફટકારી. તેની પાસે ટેસ્ટ ઈનિંગમાં સૌથી વધુ રન બનાવવાનો બ્રાયન લારાનો રેકોર્ડ તોડવાની તક હતી, પરંતુ તે તેમ કરી શક્યો નહીં. મુલ્ડર આ ઈનિંગમાં 367 રન બનાવીને અણનમ પાછો ફર્યો. આ દરમિયાન તેને 49 ચોગ્ગા અને 4 છગ્ગા ફટકાર્યા. આ સાથે તે ટેસ્ટ ક્રિકેટની એક ઈનિંગમાં સૌથી વધુ રન બનાવવાના લિસ્ટમાં ટોપ-5માં પહોંચી ગયો છે.

2/6

ટેસ્ટ ક્રિકેટની એક ઈનિંગમાં સૌથી વધુ રન બનાવવાનો રેકોર્ડ વેસ્ટ ઈન્ડીઝના બ્રાયન લારાના નામે છે. તેમને 2004માં ઈંગ્લેન્ડ સામેની મેચમાં 400 રન બનાવ્યા હતા. 778 બોલની આ ઈનિંગમાં તેમને 43 ચોગ્ગા અને 4 છગ્ગા ફટકાર્યા હતા. લારાનો આ રેકોર્ડ અત્યાર સુધી કોઈ તોડી શક્યું નથી. વેસ્ટ ઈન્ડીઝ અને ઇંગ્લેન્ડ વચ્ચેની આ મેચ ડ્રોમાં સમાપ્ત થઈ હતી.

3/6

આ લિસ્ટમાં બીજા નંબરે મેથ્યુ હેડનનું નામ છે. હેડને 2003માં પર્થમાં ઝિમ્બાબ્વે સામે 622 બોલમાં 380 રનની ઈનિંગ રમી હતી. આ દરમિયાન તેને 38 ચોગ્ગા અને 11 છગ્ગા ફટકાર્યા હતા. આ દરમિયાન તેનો સ્ટ્રાઈક રેટ 86.95 હતો. ઓસ્ટ્રેલિયાએ આ મેચ એક ઈનિંગ અને 175 રનથી જીતી હતી.

4/6

બ્રાયન લારાનું નામ ફરી એકવાર લિસ્ટમાં ત્રીજા નંબરે છે. લારાએ 1994માં ઈંગ્લેન્ડ સામે રમાયેલી મેચમાં 766 બોલમાં 375 રન બનાવ્યા હતા. તેમને આ ઈનિંગમાં 45 ચોગ્ગા ફટકાર્યા હતા. વેસ્ટ ઈન્ડિઝ અને ઈંગ્લેન્ડ વચ્ચેની આ મેચ ડ્રોમાં સમાપ્ત થઈ હતી.

5/6

આ લિસ્ટમાં ચોથા નંબરે શ્રીલંકાના મહેલા જયવર્ધને છે. તેમને 2006માં કોલંબોમાં દક્ષિણ આફ્રિકા સામે 752 બોલમાં 374 રન બનાવ્યા હતા. આ દરમિયાન તેમને 43 ચોગ્ગા અને 1 છગ્ગો ફટકાર્યો હતો. શ્રીલંકાએ તે મેચ એક ઈનિંગ્સ અને 153 રનથી જીતી હતી.

6/6

આ લિસ્ટમાં પાંચમા નંબરે સાઉથ આફ્રિકાનો વિઆન મુલ્ડર છે. તેને તાજેતરમાં ઝિમ્બાબ્વે સામે 334 બોલમાં 367 રનની અણનમ ઈનિંગ રમી હતી. આ ઈનિંગ દરમિયાન તેને 49 ચોગ્ગા અને 4 છગ્ગા ફટકાર્યા હતા. તેની પાસે લારાને પાછળ છોડી દેવાની તક હતી પરંતુ તે આમ કરવામાં સફળ થઈ શક્યો નહીં.