ટેસ્ટ ક્રિકેટમાં કેપ્ટનશીપ સરળ કામ નથી, પરંતુ કેટલાક મહાન ખેલાડીઓ એવા રહ્યા છે જેમને કેપ્ટનશીપના દબાણને પોતાની બેટિંગ પર અસર થવા દીધી નહીં અને ઘણા રન બનાવ્યા. તમને જણાવી દઈએ કે કયા કેપ્ટને ટેસ્ટ સિરીઝમાં સૌથી વધુ રન બનાવ્યા છે. આ લિસ્ટમાં ઓસ્ટ્રેલિયાથી લઈને ભારત અને વેસ્ટ ઈન્ડિઝ સુધીના મહાન કેપ્ટનોના નામ શામેલ છે.
ટેસ્ટ ક્રિકેટમાં કેપ્ટનશીપ સરળ કામ નથી, પરંતુ કેટલાક મહાન ખેલાડીઓ એવા રહ્યા છે જેમને કેપ્ટનશીપના દબાણને પોતાની બેટિંગ પર અસર થવા દીધી નહીં અને ઘણા રન બનાવ્યા. તમને જણાવી દઈએ કે કયા કેપ્ટને ટેસ્ટ સિરીઝમાં સૌથી વધુ રન બનાવ્યા છે. આ લિસ્ટમાં ઓસ્ટ્રેલિયાથી લઈને ભારત અને વેસ્ટ ઈન્ડિઝ સુધીના મહાન કેપ્ટનોના નામ શામેલ છે.
ટેસ્ટ ક્રિકેટના 'ભગવાન' તરીકે જાણીતા સર ડોન બ્રેડમેને 1936-37ની એશિઝ સિરીઝમાં ઈંગ્લેન્ડ સામે 5 ટેસ્ટ મેચની 9 ઈનિંગમાં 810 રન બનાવ્યા હતા. આ સિરીઝમાં તેમનો બેસ્ટ સ્કોર 270 રન હતો અને તેમની એવરેજ 90.00 હતી. આ દરમિયાન તેમને 3 સદી અને 1 અડધી સદી ફટકારી હતી. બ્રેડમેનનો રેકોર્ડ આજ સુધી કોઈપણ કેપ્ટન દ્વારા ટેસ્ટ સિરીઝમાં બનાવેલા સૌથી વધુ રન છે.
1990માં ભારત સામેની 3 મેચની સિરીઝમાં ઈંગ્લેન્ડના ભૂતપૂર્વ કેપ્ટન ગ્રેહામ ગૂચે 752 રન બનાવ્યા હતા. તેમને લોર્ડ્સમાં રમાયેલી ટેસ્ટમાં શાનદાર 333 રન બનાવ્યા હતા જે તેમની કેપ્ટનશીપ હેઠળની સૌથી મોટી ઈનિંગ હતી. તેમની એવરેજ 125.33 હતી અને તેમને સિરીઝમાં 3 સદી અને 2 અડધી સદી ફટકારી હતી.
ભારતના મહાન ઓપનિંગ બેટ્સમેન સુનીલ ગાવસ્કરે 1978-79ની ઘરઆંગણેની સિરીઝમાં વેસ્ટ ઈન્ડિઝ સામે કેપ્ટન તરીકે શાનદાર 732 રન બનાવ્યા હતા. તેમને 6 મેચની 9 ઈનિંગમાં 4 સદી અને 1 અડધી સદી ફટકારી હતી. આ સિરીઝમાં તેમની એવરેજ 91.50 હતી. આ પ્રદર્શન તે સમયે ભારતને સિરીઝ ડ્રો કરવામાં મદદરૂપ સાબિત થયું.
ઈંગ્લેન્ડના સ્ટાઈલિશ ડાબોડી બેટ્સમેન ડેવિડ ગોવરે 1985ની એશિઝ સિરીઝમાં શાનદાર પ્રદર્શન કર્યું હતું. ઓસ્ટ્રેલિયા સામે કેપ્ટનશીપ કરતી વખતે તેમને 732 રન બનાવ્યા હતા. ડેવિડ ગોવરે 3 સદી અને 1 ફિફ્ટી સાથે 81.33 ની એવરેજથી આ રન બનાવ્યા હતા અને પોતાની ટીમને સિરીઝમાં લીડ અપાવી હતી.
ગેરી સોબર્સને વેસ્ટ ઈન્ડિઝના મહાન ઓલરાઉન્ડરોમાંના એક ગણવામાં આવે છે. સર ગેરી સોબર્સે 1966માં ઈંગ્લેન્ડ સામેની 5 મેચની સિરીઝમાં 722 રન બનાવ્યા હતા. આ દરમિયાન તેમને 3 સદી અને 2 અડધી સદી ફટકારી હતી. સિરીઝમાં તેમની એવરેજ 103.14 હતી.