ભારત અને ઈંગ્લેન્ડના ક્રિકેટ ફેન્સ ભારતીય ટીમના ઈંગ્લેન્ડ પ્રવાસ પર પાંચ સિરીઝની પહેલી ટેસ્ટ મેચનો આનંદ માણી રહ્યા છે. ઈંગ્લેન્ડ અને ભારત વચ્ચે અત્યાર સુધી ઘણી મેચ રોમાંચક રહી છે. કેટલીક સિરીઝ એવી રહી છે જેમાં બેટ્સમેને ધૂમ મચાવી છે તો કેટલીક મેચ એવી રહી છે કે જેમાં બોલર્સનો દબદબો રહ્યો છે. આ દરમિયાન તમને જણાવી દઈએ કે ઈંગ્લેન્ડમાં રમાયેલી એક ટેસ્ટ સિરીઝમાં અત્યાર સુધી ક્યાં ભારતીય બેટ્સમેને વધુ રન બનાવ્યા છે.
ભારત અને ઈંગ્લેન્ડના ક્રિકેટ ફેન્સ ભારતીય ટીમના ઈંગ્લેન્ડ પ્રવાસ પર પાંચ સિરીઝની પહેલી ટેસ્ટ મેચનો આનંદ માણી રહ્યા છે. ઈંગ્લેન્ડ અને ભારત વચ્ચે અત્યાર સુધી ઘણી મેચ રોમાંચક રહી છે. કેટલીક સિરીઝ એવી રહી છે જેમાં બેટ્સમેને ધૂમ મચાવી છે તો કેટલીક મેચ એવી રહી છે કે જેમાં બોલર્સનો દબદબો રહ્યો છે. આ દરમિયાન તમને જણાવી દઈએ કે ઈંગ્લેન્ડમાં રમાયેલી એક ટેસ્ટ સિરીઝમાં અત્યાર સુધી ક્યાં ભારતીય બેટ્સમેને વધુ રન બનાવ્યા છે.
ઈંગ્લેન્ડમાં રમાયેલી એક ટેસ્ટ સિરીઝમાં સૌથી વધુ રન બનાવવાનો રેકોર્ડ ભારતીય બેટ્સમેનના લિસ્ટમાં રાહુલ દ્રવિડનું નામ ટોપ પર છે. તેને 2002માં રમાયેલી ટેસ્ટ સિરીઝમાં 4 મેચની 6 ઈનિંગમાં 602 રન બનાવ્યા છે. આ સિરીઝમાં તેની એવરેજ 100.33ની રહી હતી. આ દરમિયાન રાહુલ દ્રવિડે 3 સદી અને 1 અડદી સદી ફટકારી હતી. તેનો હાઈએસ્ટ સ્કોર 217 રન હતો. ભારત અને ઈંગ્લેન્ડ વચ્ચે રમાયેલી આ સિરીઝ ડ્રો રહી હતી.
વિરાટ કોહલી ઈંગ્લેન્ડમાં એક સિરીઝમાં સૌથી વધુ રન બનાવવાને મામલે બીજા નંબર પર છે. 2018માં ઈંગ્લેન્ડ સામે રમાયેલી પાંચ મેચની ટેસ્ટ સિરીઝમાં તેને 593 રન બનાવ્યા હતા. આ દરમિયાન તેની એવરેજ 59.30 રહી છે. આ સિરીઝમાં વિરાટ કોહલીએ 2 સદી અને 3 અડધી સદી ફટકારી હતી. તેનો હાઈએસ્ટ સ્કોર 149 રન હતો. વિરાટ કોહલીએ હાલમાં જ ટેસ્ટ ક્રિકેટમાંથી સંન્યાસ લીધો છે.
ભારતના પૂર્વ દિગ્ગજ બેટ્સમેન સુનીલ ગાવસ્કર આ લિસ્ટમાં ત્રીજા નંબર પર છે. તેને 1979માં ઈંગ્લેન્ડ પ્રવાસ પર 4 મેચની ટેસ્ટ સિરીઝમાં 542 રન બનાવ્યા હતા. આ સિરીઝમાં તેની એવરેજ 77.42 રહી હતી. સુનીલ ગાવસ્કર 7 ઈનિંગમાં 1 સદી અને 7 અડધી સદી ફટકારવામાં સફળ રહ્યો હતો. તેનો હાઈએસ્ટ સ્કોર 221 રન હતો. બેટિંગમાં સુનીલ ગાવસ્કરે શાનદાર પ્રદર્શન કર્યું હોવા છતાં ભારતીય ટીમને સિરીઝમાં હારનો સામનો કરવો પડ્યો હતો.
લિસ્ટમાં ચોથા નંબર પર પણ રાહુલ દ્રવિડનું નામ છે. તેને 2011માં ઈંગ્લેન્ડ સામે 4 મેચની 8 ઈનિંગમાં 461 રન બનાવ્યા હતા. આ દરમિયાન તેની એવરેજ 76.83ની રહી હતી. આ સિરીઝમાં રાહુલ દ્રવિડે 3 સદી ફટકારી હતી. તેનો હાઈએસ્ટ સ્કોર અણનમ 146 રન હતો. રાહુલ દ્રવિડે સિરીઝમાં સારું પ્રદર્શન કર્યું પરંતુ ટીમ ઈન્ડિયાને હારનો સામનો કરવો પડ્યો.
માસ્ટર બ્લાસ્ટર સચિન તેંડુલકર આ લિસ્ટમાં પાંચમાં નંબર પર છે. તેને 1996માં ઈંગ્લેન્ડ પ્રવાસ પર 3 મેચની ટેસ્ટ સિરીઝમાં 428 રન બનાવ્યા હતા. આ સિરીઝમાં સચિન તેંડુલકરની એવરેજ 85.60 રહી હતી. આ દરમિયાન તેને 2 સદી અને 1 અડધી સદી પણ ફટકારી હતી. તેનો હાઈએસ્ટ સ્કોર 177 રન હતો. આ શાનદાર પ્રદર્શન કર્યું હોવા છતાં ટીમ ઈન્ડિયાને સિરીઝમાં હારનો સામનો કરવો પડ્યો.