Shubman Gillએ તોડ્યો રાહુલ દ્રવિડનો રેકોર્ડ, કેપ્ટને છોડ્યા દિગ્ગજોને પાછળ

1/6

ભારત અને ઈંગ્લેન્ડ વચ્ચે ટેસ્ટ સિરીઝ ચાલી રહી છે. શુભમન ગિલ આ સિરીઝ માટે ભારતીય ટીમનો કેપ્ટન છે અને તે શાનદાર બેટિંગ પણ કરી રહ્યો છે. શુભમન ગિલ સિરીઝની ત્રીજી મેચની બીજી ઈનિંગમાં સસ્તામાં આઉટ થયો હતો, આ પછી પણ તેને એક નવો રેકોર્ડ બનાવ્યો છે. શુભમન ગિલ હવે ઈંગ્લેન્ડમાં ટેસ્ટ સિરીઝમાં સૌથી વધુ રન બનાવનાર બેટ્સમેન બની ગયો છે.

2/6

ભારત અને ઈંગ્લેન્ડ વચ્ચે રમાઈ રહેલી સિરીઝ દરમિયાન શુભમન ગિલે અત્યાર સુધીમાં 603 રન બનાવ્યા છે. આ ઈંગ્લેન્ડમાં કોઈ પણ ભારતીય ખેલાડી દ્વારા બનાવેલા સૌથી વધુ રન છે. આ પહેલા રાહુલ દ્રવિડે 2002માં બનાવેલો રેકોર્ડ હવે તૂટી ગયો છે. આ સિરીઝમાં હજુ બે મેચ બાકી છે, જેમાં શુભમન કેટલાક નવા રેકોર્ડ બનાવતો જોવા મળશે.

3/6

ઈંગ્લેન્ડમાં એક સિરીઝમાં સૌથી વધુ રન બનાવનાર ભારતીય બેટ્સમેન તરીકે આ રેકોર્ડ પહેલા રાહુલ દ્રવિડના નામે હતો. રાહુલ દ્રવિડે 2002ના ઈંગ્લેન્ડ પ્રવાસ દરમિયાન 6 ઈનિંગ્સમાં 100.33 ની એવરેજથી 602 રન બનાવ્યા હતા. રાહુલે તે પ્રવાસમાં ત્રણ સદી અને એક અડધી સદી ફટકારી હતી. તે પ્રવાસ તેમના માટે યાદગાર પ્રવાસ હતો.

4/6

આ લિસ્ટમાં વિરાટ કોહલી ત્રીજા નંબરે આવે છે. જ્યારે ભારતીય ટીમ 2018માં ઈંગ્લેન્ડના પ્રવાસે ગઈ હતી, ત્યારે વિરાટ કોહલી તેના શાનદાર ફોર્મમાં હતો. તે સિરીઝ દરમિયાન વિરાટ કોહલીએ 593 રન બનાવ્યા હતા. શરૂઆતમાં એવું લાગતું હતું કે કોહલી રાહુલ દ્રવિડને પાછળ છોડી દેશે, પરંતુ તે ચૂકી ગયો. પરંતુ તેમ છતાં તે સિરીઝ વિરાટ કોહલી માટે યાદગાર બની ગઈ.

5/6

આ લિસ્ટમાં સુનીલ ગાવસ્કરનું નામ પણ આવે છે. તેમને 1979માં એક રેકોર્ડ બનાવ્યો હતો. તે વર્ષે જ્યારે ભારતીય ટીમ ઈંગ્લેન્ડના પ્રવાસ પર હતી, ત્યારે સુનીલ ગાવસ્કરે 542 રન બનાવવામાં સફળતા મેળવી હતી. રાહુલ દ્રવિડે ઘણા વર્ષો પછી રેકોર્ડ તોડ્યો હતો.

6/6

2011માં ઈંગ્લેન્ડ પ્રવાસમાં રાહુલ દ્રવિડે પણ ઘણા રન બનાવ્યા હતા. તે વર્ષે જ્યારે ભારતીય ટીમે ઈંગ્લેન્ડનો પ્રવાસ કર્યો હતો, ત્યારે દ્રવિડે 461 રન બનાવ્યા હતા. આ ટોપના 5 ખેલાડીઓની લિસ્ટમાં અન્ય ખેલાડીઓના નામ ફક્ત એક જ વાર આવ્યા છે, પરંતુ રાહુલ દ્રવિડનું નામ બે વાર આવ્યું છે, આના પરથી સમજી શકાય છે કે દ્રવિડે ઈંગ્લેન્ડ પ્રવાસમાં ધૂમ મચાવી હતી.