IPLના ઈતિહાસમાં સૌથી વધુ નો બોલ ફેંકનારા બોલર્સ

1/6

ઈન્ડિયન પ્રીમિયર લીગમાં બોલરો તેમની ચોક્કસ લાઈન અને લેન્થ અને શિસ્ત માટે જાણીતા છે, પરંતુ નો-બોલ એક એવી ભૂલ છે જે ટીમને મોંઘી પડી શકે છે. IPLના ઈતિહાસમાં કેટલાક દિગ્ગજ બોલરો રહ્યા છે જેમને સૌથી વધુ નો-બોલ ફેંકવાનો રેકોર્ડ બનાવ્યો છે. આ લિસ્ટમાં સૌથી આશ્ચર્યજનક નામ જસપ્રીત બુમરાહનું છે, જે તેના શાનદાર યોર્કર અને ડેથ-ઓવર નિષ્ણાત માટે જાણીતા છે. આ હોવા છતાં તે IPLમાં સૌથી વધુ નો-બોલ ફેંકવાનો રેકોર્ડ ધરાવે છે, જે તેને કંઈક અંશે શરમજનક વ્યક્તિ બનાવે છે. જસપ્રીત બુમરાહ સિવાય લસિથ મલિંગા, શ્રીસંત, ઉમેશ યાદવ અને ઈશાંત શર્મા જેવા બોલરો પણ આ ટોપ-5 લિસ્ટમાં સામેલ છે. આ બધા ખેલાડીઓ તેમની ઝડપી બોલિંગ અને આક્રમક સ્ટાઈલ માટે પ્રખ્યાત છે, પરંતુ ક્યારેક તેઓ ઓવરસ્ટેપિંગને કારણે વધારાના રન ચૂકવી ચૂક્યા છે. નો-બોલ માત્ર બેટ્સમેનને ફ્રી હિટ જ નહીં પરંતુ મેચનો માર્ગ પણ બદલી શકે છે. આ જ કારણ છે કે દરેક બોલર માટે આ ભૂલ સુધારવી અત્યંત મહત્વપૂર્ણ છે. IPL 2026ની 47મી મેચમાં મુંબઈ ઈન્ડિયન્સના ફાસ્ટ બોલર જસપ્રીત બુમરાહે લખનૌ સુપર જાયન્ટ્સ સામે ત્રણ નો-બોલ ફેંક્યા હતા. જસપ્રીત બુમરાહ પહેલાથી જ IPLમાં સૌથી વધુ નો-બોલ ફેંકવાનો રેકોર્ડ ધરાવે છે અને હવે તેના આંકડા શરમજનક છે. જાણો ટોપ 5માં કોણ છે.

2/6

મુંબઈ ઈન્ડિયન્સના ફાસ્ટ બોલર જસપ્રીત બુમરાહે IPL 2026ની 47મી મેચમાં લખનૌ સુપર જાયન્ટ્સ સામે ત્રણ નો-બોલ ફેંક્યા હતા. બુમરાહ પહેલાથી જ IPLમાં સૌથી વધુ નો-બોલ ફેંકવાનો રેકોર્ડ ધરાવે છે, અને હવે તેના આંકડા શરમજનક છે. જસપ્રીત બુમરાહ IPL ઈતિહાસમાં સૌથી વધુ નો-બોલ ફેંકનાર બોલર છે. તેને અત્યાર સુધી તેની IPL કરિયરમાં કુલ 39 નો-બોલ ફેંક્યા છે, જે કોઈપણ બોલર દ્વારા સૌથી વધુ છે. બુમરાહ બીજા નંબરે રહેલા બોલરથી ઘણો આગળ છે.

3/6

ઉમેશ યાદવ IPLમાં સૌથી વધુ નો-બોલ ફેંકનારા બોલરોની લિસ્ટમાં બીજા નંબરે છે. તે હવે IPLમાં એક્ટિવ નથી. તેને IPLના ઈતિહાસમાં કુલ 24 નો-બોલ ફેંક્યા છે.

4/6

આ લિસ્ટમાં એસ શ્રીસંત અને ઈશાંત શર્મા સંયુક્ત રીતે ત્રીજા નંબરે છે. બંને બોલરોએ IPLના ઈતિહાસમાં કુલ 23-23 નો-બોલ ફેંક્યા છે.

5/6

અમિત મિશ્રા અને હર્ષલ પટેલ સૌથી વધુ નો બોલ ફેંકનારા બોલરોના લિસ્ટમાં સંયુક્ત રીતે ચોથા નંબરે છે, જેને કુલ 21 નો બોલ ફેંક્યા છે.

6/6

IPLના ઈતિહાસમાં સૌથી વધુ નો બોલ ફેંકનારા બોલરોના લિસ્ટમાં લસિથ મલિંગા પાંચમા નંબરે છે, જેને 18 નો બોલ ફેંક્યા છે.