T20 વર્લ્ડકપમાં ભારત માટે સૌથી વધુ વિકેટ લેનાર બોલર, અર્શદીપ પાસે ઈતિહાસ રચવાની તક

1/6

T20 વર્લ્ડકપ 2026 7 ફેબ્રુઆરીથી શરૂ થયો છે. આ ટુર્નામેન્ટમાં કુલ 20 ટીમ રમશે. જેમાં બેટર અને બોલર વચ્ચે જોરદાર ટક્કર જોવા મળશે. આ પહેલા T20 વર્લ્ડકપ નજર નાખીએ તો સૌથી વધુ વિકેટ લેનાર ભારતીય બોલરના લિસ્ટમાં કોણ સામેલ છે. આ સિવાય ભારતીય સ્ટાર બોલર અર્શદીપ સિંહ પાસે આ વખતે . T20 વર્લ્ડકપ 2026માં ઈતિહાસ રચવાની તક છે.

2/6

T20 વર્લ્ડકપમાં ભારત માટે સૌથી વધુ વિકેટ લેવાનો રેકોર્ડ ભૂતપૂર્વ દિગ્ગજ સ્પિનર ​​આર અશ્વિનના નામે છે. આર અશ્વિને પોતાના કરિયરમાં 24 T20 વર્લ્ડકપ મેચ રમી હતી, જેમાં 24 ઈનિંગમાં 32 વિકેટ લીધી હતી. આ ટુર્નામેન્ટમાં તેને 6.49 ના ઈકોનોમી રેટથી રન આપ્યા હતા, જેની એવરેજ 17.25 છે. T20 વર્લ્ડ કપમાં બોલર તરીકે અશ્વિનનો રેકોર્ડ ઘણો સારો હતો.

3/6

આ લિસ્ટમાં બીજા નંબરે ટીમ ઈન્ડિયાનો ફાસ્ટ બોલર અર્શદીપ સિંહ છે. અર્શદીપે અત્યાર સુધીમાં 15 T20 વર્લ્ડકપ મેચ રમી છે, જેમાં તેને 15 ઈનિંગમાં 13.41ની એવરેજથી 29 વિકેટ લીધી છે. આ દરમિયાન તેનું બેસ્ટ પ્રદર્શન 9 રનમાં 4 વિકેટ રહ્યું છે. આ દરમિયાન T20 વર્લ્ડકપમાં અર્શદીપે 7.20ના ઈકોનોમી રેટથી રન આપ્યા છે. અશ્વિનને પાછળ છોડી દેવા માટે તેને વધુ 4 વિકેટની જરૂર છે.

4/6

અનુભવી ઝડપી બોલર જસપ્રીત બુમરાહ આ લિસ્ટમાં ત્રીજા નંબરે છે. તેને 18 T20 વર્લ્ડકપ મેચોમાં 18 ઈનિંગમાં 26 વિકેટ લીધી છે. આ દરમિયાન તેની એવરેજ 14.30 છે અને તેનો ઈકોનોમી રેટ 5.44 છે. બુમરાહનું બેસ્ટ પ્રદર્શન 7 રનમાં 3 વિકેટ લેવાનું રહ્યું છે.

5/6

સ્ટાર ઓલરાઉન્ડર હાર્દિક પંડ્યા સૌથી વધુ વિકેટ લેવાની લિસ્ટમાં ચોથા નંબરે છે. તેને પોતાના કરિયરમાં અત્યાર સુધી 25 T20 વર્લ્ડકપ મેચ રમી છે. આ દરમિયાન તેને 22 ઈનિંગમાં 23.08 ની એવરેજથી 24 વિકેટ લીધી છે. તેને 8.52 નો ઈકોનોમી રેટ રન આપ્યા છે. આ દરમિયાન તેનું બેસ્ટ પ્રદર્શન 20 રનમાં 3 વિકેટ હતું.

6/6

સ્ટાર ઓલરાઉન્ડર રવિન્દ્ર જાડેજા આ લિસ્ટમાં પાંચમા નંબરે છે. રવિન્દ્ર જાડેજાએ પોતાના કરિયરમાં 30 T20 ઈન્ટરનેશનલ મેચ રમી હતી, જેમાં 29 ઈનિંગમાં 28.86ની એવરેજથી 22 વિકેટ લીધી હતી. તેમનું બેસ્ટ પ્રદર્શન 15 રન આપીને 3 વિકેટ હતી. રવિન્દ્ર જાડેજાએ T20 વર્લ્ડકપમાં 7.21 ના ​​ઈકોનોમી રેટથી રન આપ્યા હતા.