England સામે સૌથી વધુ ટેસ્ટ રન બનાવનાર કોણ છે ભારતીય કેપ્ટન? જાણો

1/6

20 જૂનથી ભારત અને ઈંગ્લેન્ડ વચ્ચે પાંચ મેચની ટેસ્ટ સિરીઝની શરુઆત થઈ રહી છે. આ સિરીઝની પહેલી મેચ હેડિંગ્લે લીડ્સમાં રમાશે. બંને દેશો વચ્ચે અત્યાર સુધી ટેસ્ટ ક્રિકેટમાં રોમાંચક મેચ જોવા મળી રહી છે. આ વખતે ટેસ્ટ ટીમની કમાન યુવા ક્રિકેટર શુભમન ગિલના હાથમાં છે. તમને જણાવી દઈએ કે ક્રિકેટમાં સૌથી વધુ રન બનાવનાર ટોપ-5 કેપ્ટન કોણ છે. આ લિસ્ટમાં વિરાટ કોહલી અને એમએસ ધોની જેવા દિગ્ગજ ક્રિકેટરનું નામ પણ સામેલ છે.

2/6

ઈંગ્લેન્ડ સામે ટેસ્ટ ક્રિકેટમાં સૌથી વધુ રન બનાવનારા ભારતીય કેપ્ટન વિરાટ કોહલી છે. વિરાટ કોહલીએ કેપ્ટન તરીકે ઈંગ્લેન્ડ સામે કુલ 18 મેચ રમી છે, જ્યાં 31 ઈનિંગમાં 56.48ની એવરેજથી 1638 રન બનાવ્યા છે. કેપ્ટન તરીકે તેને આ ટીમ સામે 4 સદી અને 9 અડધી સદી ફટકારી છે. તેનો હાઈએસ્ટ સ્કોર 235 રન છે.

3/6

આ લિસ્ટમાં બીજા નંબરે એમએસ ધોનીનું નામ છે. એમએસ ધોનીએ કેપ્ટન તરીકે ઈંગ્લેન્ડ સામે 15 મેચ રમી હતી. ત્યાં તેને 27 ઈનિંગ્સમાં 32.38 ની એવરેજથી 842 રન બનાવ્યા હતા. આ દરમિયાન તેને 9 અડધી સદી પણ ફટકારી હતી. તેનો હાઈએસ્ટ સ્કોર 99 રન રહ્યો છે. આ મામલે વિરાટ અને ધોની વચ્ચે 796 રનનો તફાવત છે.

4/6

સુનીલ ગાવસ્કરનું નામ આ લિસ્ટમાં ત્રીજા નંબરે છે. તેને કેપ્ટન તરીકે ઈંગ્લેન્ડ સામે કુલ 14 મેચ રમી હતી. આ 14 મેચોમાંથી 20 ઈનિંગ્સમાં તેને 37.57ની એવરેજથી કુલ 714 રન બનાવ્યા હતા. કેપ્ટન તરીકે, આ ટીમ સામે તેમના નામે 1 સદી અને 4 અડધી સદી છે. આ દરમિયાન સુનીલ ગાવસ્કરનો હાઈએસ્ટ સ્કોર 172 રન હતો.

5/6

કેપ્ટનોની આ લિસ્ટમાં મોહમ્મદ અઝહરુદ્દીન ચોથા સ્થાને છે. તેને ઈંગ્લેન્ડ સામે કેપ્ટન તરીકે 9 મેચ રમી હતી. આ સમય દરમિયાન, તેને 13 ઈનિંગ્સમાં 52.46 ની એવરેજથી 682 રન બનાવ્યા હતા. કેપ્ટન તરીકે, તેને ઈંગ્લેન્ડ સામે 3 સદી અને 1 અડધી સદી ફટકારી છે. તેમનો હાઈએસ્ટ સ્કોર 182 રન છે.

6/6

વિજય હજારે આ લિસ્ટમાં પાંચમા ક્રમે છે. તેને કેપ્ટન તરીકે ઈંગ્લેન્ડ સામે 9 મેચ પણ રમી હતી, જ્યાં તેને 14 ઈનિંગ્સમાં 56.66 ની એવરેજથી કુલ 680 રન બનાવ્યા હતા. આ ટીમ સામે કેપ્ટન તરીકે તેમના નામે 2 સદી અને 3 અડધી સદી છે. આ દરમિયાન તેનો હાઈએસ્ટ સ્કોર અણનમ 164 રન રહ્યો છે.