ભારતીય ટીમના સ્ટાર સ્પિનર યુઝવેન્દ્ર ચહલ આજે એટલે કે બુધવાર, 23 જુલાઈના રોજ પોતાનો 35મો જન્મદિવસ ઉજવી રહ્યો છે. તેણે આંતરરાષ્ટ્રીય ક્રિકેટની સાથે સાથે IPLમાં પણ શાનદાર પ્રદર્શન કર્યું છે. ચહલની ક્રિકેટ કરિયર ઉતાર-ચઢાવથી ભરેલી રહી છે. તેની કુલ સંપત્તિ વિશે વાત કરીએ તો તે કરોડોમાં છે. એટલું જ નહીં, તે એક ઈન્કમ ટેક્સ ઈન્સ્પેક્ટર પણ છે.
ભારતીય ટીમના સ્ટાર સ્પિનર યુઝવેન્દ્ર ચહલ આજે એટલે કે બુધવાર, 23 જુલાઈના રોજ પોતાનો 35મો જન્મદિવસ ઉજવી રહ્યો છે. તેણે આંતરરાષ્ટ્રીય ક્રિકેટની સાથે સાથે IPLમાં પણ શાનદાર પ્રદર્શન કર્યું છે. ચહલની ક્રિકેટ કરિયર ઉતાર-ચઢાવથી ભરેલી રહી છે. તેની કુલ સંપત્તિ વિશે વાત કરીએ તો તે કરોડોમાં છે. એટલું જ નહીં, તે એક ઈન્કમ ટેક્સ ઈન્સ્પેક્ટર પણ છે.
રિપોર્ટ મુજબ, યુઝવેન્દ્ર ચહલની કુલ સંપત્તિ 45 કરોડ રૂપિયા છે. ચહલને 2023-24 સીઝન માટે BCCI ના સેન્ટ્રલ કોન્ટ્રાક્ટની યાદીમાંથી બહાર કરી દેવામાં આવ્યો હતો. જોકે, છેલ્લી વખતે યુઝવેન્દ્ર ગ્રેડ C માં હતો અને તેનો વાર્ષિક પગાર 1 કરોડ રૂપિયા હતો.
ઇન્ડિયન પ્રીમિયર લીગ 2025 ની મેગા ઓક્શનમાં, પંજાબ કિંગ્સે યુઝવેન્દ્ર ચહલને 18 કરોડ રૂપિયામાં પોતાની ટીમમાં સામેલ કર્યો હતો. એક રિપોર્ટ મુજબ, ભારતીય સ્પિનરે 2011 થી 2024 સુધી IPLમાંથી 37.7 કરોડ રૂપિયાની કમાણી કરી છે.
ચહલ ઘણી મોટી બ્રાન્ડ્સ સાથે પણ સંકળાયેલો છે અને તેને તેમાંથી ઘણા ફાયદા મળે છે. તે સોશિયલ પ્લેટફોર્મ પર પ્રમોશનલ કન્ટેન્ટ પણ શેર કરે છે. ભારતીય સ્પિનર હરિયાણાના ગુરુગ્રામમાં પોતાના પરિવાર સાથે રહે છે અને તેની મિલકતની કિંમત 25 કરોડ રૂપિયા છે. આ સ્ટાર ખેલાડી પાસે મર્સિડીઝ બેન્ઝ સી ક્લાસ, પોર્શ કેનન એસ, રોલ્સ રોયસ અને લેમ્બોર્ગિની સેન્ટેનારિયો પણ છે.
ક્રિકેટ રમતા પહેલા, યુઝવેન્દ્ર ચહલ એક ચેમ્પિયન ચેસ ખેલાડી હતો. તે ભારતના રાષ્ટ્રીય જુનિયર ચેમ્પિયન (U-12) રહી ચૂક્યો છે. તેણે ભારત વતી ગ્રીસમાં 2003ના વર્લ્ડ કપમાં ભાગ લીધો હતો. ચેસ રમ્યા બાદ, તેણે ક્રિકેટમાં પણ સારું પ્રદર્શન કર્યું હતું.
તેમજ તેણે 2016માં ટીમ ઈન્ડિયા માટે ઝિમ્બાબ્વે સામે આંતરરાષ્ટ્રીય ક્રિકેટમાં પ્રવેશ કર્યો હતો. યુઝવેન્દ્રએ ટીમ ઈન્ડિયા માટે 72 વનડે રમી છે જેમાં તેણે 27.13 ની સરેરાશથી 121 વિકેટ લીધી છે. તેણે 80 T20 મેચોમાં 25.09 ની સરેરાશથી 96 વિકેટ લીધી છે.
બહુ ઓછા લોકો જાણે છે કે યુઝવેન્દ્ર ચહલ પણ એક ઈન્કમ ટેક્સ ઈન્સ્પેક્ટર છે. BCCI અને IPL ઉપરાંત, ચહલને અહીંથી પણ મોટો પગાર મળે છે. રિપોર્ટ અનુસાર, યુઝવેન્દ્ર ચહલને આવકવેરા વિભાગ તરફથી દર મહિને 44,900 થી 1,42,400 રૂપિયાનો પગાર મળે છે.