રોહિત શર્માને કેપ્ટનશીપમાંથી હટાવવામાં આવતા જ આ ચેમ્પિયન ખેલાડીને બહાર કરી દેવાયો
ઓસ્ટ્રેલિયા પ્રવાસ માટે ટીમની જાહેરાતની સાથે ભારતીય પસંદગીકારોએ કેપ્ટનશીપ અંગે પણ એક મહત્વપૂર્ણ નિર્ણય લીધો.તેમણે રોહિત શર્માને વનડે કેપ્ટનશીપમાંથી દૂર કરીને શુભમન ગિલને કેપ્ટનશીપ સોંપી.જોકે સૌથી મહત્વપૂર્ણ ફેરફાર એ હતો કે રોહિતના સમર્થક અને ચેમ્પિયન્સ ટ્રોફીના હીરોને પણ વનડે ટીમમાંથી બહાર કરવામાં આવ્યો.
ઓસ્ટ્રેલિયા પ્રવાસ માટે ટીમની જાહેરાત સાથે ભારતીય પસંદગીકારોએ રોહિત શર્માને વનડે કેપ્ટનશીપમાંથી દૂર કર્યો અને શુભમન ગિલની નિમણૂક કરી.જોકે સૌથી મહત્વપૂર્ણ ફેરફાર એ હતો કે રોહિતના વિશ્વાસુ ખેલાડી અને ચેમ્પિયન્સ ટ્રોફીના હીરોને પણ વનડે ટીમમાંથી દૂર કરવામાં આવ્યો.
વરુણ ચક્રવર્તી વિશે વાત કરી રહ્યા છીએ, જેને ઓસ્ટ્રેલિયા પ્રવાસ પર રમાનારી વનડે સીરિઝ માંથી બહાર કરવામાં આવ્યો છે. વરુણ ચક્રવર્તી આ વર્ષની ચેમ્પિયન્સ ટ્રોફીમાં ભારતની જીતનો હીરો હતો.
વરુણ ચક્રવર્તીએ ભારતને 12 વર્ષ પછી ચેમ્પિયન્સ ટ્રોફી જીતવામાં મદદ કરી. વરુણ ચેમ્પિયન્સ ટ્રોફીમાં સૌથી વધુ વિકેટ લેનાર ભારતીય બોલર હતો.તેણે ત્રણ મેચમાં ત્રણ ઈનિંગમાં નવ વિકેટ લીધી.તેની બોલિંગ સરેરાશ 15.11 હતી.તેણે એક ઈનિંગમાં પાંચ વિકેટ લેવાની સિદ્ધિ પણ હાંસલ કરી હતી.
ચક્રવર્તીએ ચેમ્પિયન્સ ટ્રોફી 2025માં પોતાની સફળતાનો શ્રેય રોહિતને આપ્યો.7 ઓક્ટોબરે મુંબઈમાં CEAT એવોર્ડ સમારોહમાં T20 ઈન્ટરનેશનલ બોલર ઓફ ધ યર તરીકે પસંદ કરાયેલા ચક્રવર્તીએ કહ્યું કે તેને ચેમ્પિયન્સ ટ્રોફીમાં પસંદગીની અપેક્ષા નહોતી.તે રોહિતનો આભારી છે કે તેણે વિશ્વાસ કર્યો અને તક આપી.
વરુણ ચક્રવર્તીએ છેલ્લે આ વર્ષે માર્ચમાં ચેમ્પિયન્સ ટ્રોફીમાં ન્યુઝીલેન્ડ સામે વનડે રમી હતી. તેણે અત્યાર સુધીમાં ફક્ત ચાર વનડે રમી છે.જેમાં તેણે 10 વિકેટ લીધી છે.જેમાંથી નવ વિકેટ ચેમ્પિયન્સ ટ્રોફીમાં લીધી છે.