ડિવોર્સ કે સંપત્તિની વહેંચણી? જાણો દુનિયાના એવા છૂટાછેડા જેમાં ચૂકવવી પડી અધધધ એલિમની!
2025માં ભારતમાં પણ અનેક સેલિબ્રિટીઓના ડિવોર્સ ચર્ચામાં રહ્યા હતા. ડિવોર્સ સાથે એલિમનીની રકમને લઈને પણ ઘણી ચર્ચા થઈ હતી. 2025માં ક્રિકેટર યુઝવેન્દ્ર ચહલ અને ધનશ્રી વર્માનો ડિવોર્સ પણ ચર્ચાનો વિષય બન્યો હતો. રિપોર્ટ્સ મુજબ, ચહલે ધનશ્રીને એલિમની તરીકે 60 કરોડ રૂપિયા ચૂકવ્યા હતા. ભારત સિવાય દુનિયાભરમાં પણ ઘણા હાઇ-પ્રોફાઇલ કપલ્સ એવા રહ્યા છે જેમના ડિવોર્સમાં એટલી મોટી રકમનું વહેંચાણ થયું કે તેમણે સૌથી મોંઘા ડિવોર્સનો રેકોર્ડ બનાવી દીધો. આ ડિવોર્સમાં કરોડો નહીં, પરંતુ અબજો ડોલરની એલિમની અને સંપત્તિનું વહેંચાણ થયું. તો ચાલો આજે જાણીએ કે દુનિયાનો સૌથી મોંઘો ડિવોર્સ કોણે લીધો અને કેટલી એલિમની આપવી પડી હતી.
માઇક્રોસોફ્ટના કો-ફાઉન્ડર બિલ ગેટ્સ અને મેલિન્ડા ફ્રેન્ચ ગેટ્સે 27 વર્ષના લગ્નજીવન બાદ 2021માં ડિવોર્સ લીધો હતો. રિપોર્ટ્સ અનુસાર, આ અત્યાર સુધીનો સૌથી મોંઘો ડિવોર્સ ગણાય છે. અંદાજ મુજબ, સેટલમેન્ટ હેઠળ લગભગ 76 અબજ ડોલરની સંપત્તિનું વહેંચાણ થયું હતું. મેલિન્ડાને મોટી રકમ ઉપરાંત અબજો ડોલરના શેર પણ મળ્યા હતા.
આ ડિવોર્સને એટલો મોંઘો એટલા માટે માનવામાં આવે છે કારણ કે તે સમયે બિલ ગેટ્સ દુનિયાના સૌથી અમીર લોકોમાં સામેલ હતા. બંને પાસે અબજો ડોલરની સંપત્તિ, રોકાણ અને શેર હતા, જેનો ડિવોર્સ દરમિયાન વહેંચાણ કરવામાં આવ્યું. આ કારણે આ કેસ માત્ર વ્યક્તિગત સંબંધોના અંત સુધી સીમિત ન રહ્યો, પરંતુ આર્થિક ઇતિહાસ પણ બની ગયો.
આ સિવાય, એમેઝોનના ફાઉન્ડર જેફ બેઝોસે 2019માં મેકેન્ઝી સ્કોટ સાથે ડિવોર્સ લીધો હતો. સેટલમેન્ટ પછી મેકેન્ઝીને એમેઝોનના 4 ટકા શેર મળ્યા હતા, જેની કિંમત તે સમયે અંદાજે 38 અબજ ડોલર હતી. આ ડિવોર્સ બાદ મેકેન્ઝી દુનિયાની સૌથી અમીર મહિલાઓમાં સામેલ થઈ ગઈ હતી.
ફ્રેન્ચ-અમેરિકન બિઝનેસમેન એલેક્જ વાઇલ્ડનસ્ટીનનો 1999માં જોસલિન વાઇલ્ડનસ્ટીન સાથે ડિવોર્સ થયો હતો. 21 વર્ષના લગ્નજીવન બાદ જોસલિનને લગભગ 3.8 અબજ ડોલરની એલિમની મળી હતી. તે સમયે આ ડિવોર્સને દુનિયાના સૌથી મોંઘા ડિવોર્સમાં ગણવામાં આવ્યો હતો.
મીડિયા ઇન્ડસ્ટ્રીના દિગ્ગજ રૂપર્ટ મર્ડોકે 1999માં પોતાની પત્ની સાથે ડિવોર્સ લીધો હતો. આ ડિવોર્સમાં તેમને લગભગ 1.7 અબજ ડોલરની સંપત્તિ મળી હતી. આ ડિવોર્સ પણ પોતાના સમયમાં ખૂબ ચર્ચામાં રહ્યો હતો.
આ ઉપરાંત, ફોર્મ્યુલા વનના પૂર્વ બોસ બર્ની એક્લેસ્ટોનનો સ્લાવિકા રાડિક સાથેનો ડિવોર્સ પણ ખૂબ મોંઘો સાબિત થયો હતો. સેટલમેન્ટમાં સ્લાવિકાને લગભગ 1.2 અબજ ડોલર મળ્યા હતા. આ એલિમની બાદ તેઓ બ્રિટનની સૌથી અમીર મહિલાઓમાં સામેલ થઈ ગઈ હતી.