1000 કરોડને પાર પહોંચી Virat Kohliની નેટવર્થ! આ છે કમાણીના સોર્સ

ભારતીય ટીમના પૂર્વ કેપ્ટન વિરાટ કોહલી હાલમાં વિશ્વના સૌથી લોકપ્રિય ખેલાડીઓમાંથી એક છે. વિરાટ કોહલી કમાણીના કિસ્સામાં પણ અનેક ખેલાડીઓ કરતા આગળ છે. વિરાટની નેટવર્થ હવે 1000 કરોડને પાર કરી ગઈ છે. વિરાટ કોહલી 'A+' ટીમ ઈન્ડિયાના કોન્ટ્રાક્ટમાંથી 7 કરોડ રૂપિયા (વિરાટ કોહલીનો પગાર) કમાય છે. તેને ટેસ્ટ મેચ માટે 15 લાખ રૂપિયા, વનડે મેચ માટે 6 લાખ રૂપિયા અને ટી20 મેચ માટે 3 લાખ રૂપિયા મળે છે. વિરાટ કોહલી IPLમાં રોયલ ચેલેન્જર્સ બેંગ્લોર ટીમ તરફથી રમે છે. વિરાટને IPLની એક સિઝન માટે 15 કરોડ રૂપિયા મળે છે. આ સિવાય તે ઘણી બ્રાન્ડ્સના માલિક પણ છે, જેમાંથી તે કમાણી કરે છે. વિરાટના ઈન્સ્ટાગ્રામ પર 252 મિલિયનથી વધુ ફોલોઅર્સ છે. સોશિયલ મીડિયા પર ફોલોઅર્સ તેમની કમાણી પર પણ અસર કરે છે. હૂપરની 2022ની ઇન્સ્ટાગ્રામ રિચ લિસ્ટ અનુસાર વિરાટ પ્રાયોજિત પોસ્ટથી લગભગ 8.69 કરોડ રૂપિયાની કમાણી કરે છે. તે જ સમયે ટ્વિટર પર પોસ્ટ દીઠ 2.5 કરોડ ચાર્જ કરે છે.