- LCBએ 35 લાખ સહિત ટ્રક ચાલકની કરી ધરપકડ
- 12,876 વિદેશી બ્રાન્ડની દારૂની બોટલો કરી જપ્ત
- જરોદ રેફરલ ચોકડી નજીકથી ઝડપાયો વિદેશી દારૂ
એક તરફ રાજ્યભરમાં નવા વર્ષની ઉજવણીમાં દારૂની રેલમછેલ કરવા બુટલેગરો સક્રિય થયા છે. તો બીજી તરફ પોલીસ દ્વારા પણ કડક કાર્યવાહી હાથ ધરવામાં આવી છે. આ વચ્ચે વડોદરામાંથી દારૂનો મોટો જથ્થો પોલીસ દ્વારા પકડી પડાવમાં આવ્યો છે. તેની સાથ દારૂનો આટલો મોટા પ્રમાણમાં જથ્થો રાજ્યની બોર્ડર ક્રોસ કરી કેવી રીતે પહોંચ્યો તે પણ એક સવાલ છે.
આ અંગેની માહિતી વડોદરામાં જિલ્લા પોલીસની LCB ટીમ દ્વારા વિવિધ સ્થાનો પર તપાસ હાથ ધરવામાં આવી હતી. આ વચ્ચે બાતમીને આધારે જરોદ રેફરલ ચોકડી પર પોલીસ દ્વારા વોચ ગોઠવવામાં આવી હતી. જે પછી ગોધરા થી વડોદરા તરફ આવી રહેલ બાતમી વાળી ટ્રકને ચેક કરતા દારૂનો જથ્થો ઝડપાયો છે.
પોલીસ દ્વારા તપાસ દરમિયાન 12,876 વિદેશી બ્રાન્ડની દારૂની બોટલો જપ્ત કરવામાં આવી છે. તેમજ આ મુદ્દામાલ ક્યાંથી આવ્યો અને તેને ક્યાં સુધી પહોંચાડવાનો હતો તેના અંગે પોલીસ દ્વારા તપાસ હાથ ધરવપામાં આવી છે. તેની સાથે જ પોલીસે ટ્રક ચાલક પ્રકાશમલ પુનિયાની ધરપકડ કરી છે.
રાજ્યમાં છેલ્લા ઘણાં સમયથી વિવિધ પ્રકારની દારૂની હેરાફેરી સામે આવી રહી છે. આ સાથે જ રાજ્ય પોલીસ વિભાગ દ્વારા પણ સઘન ચેકિંગ આને કડક કાર્યવાહી સાથે બુટલેગરો પર એક્શન લેવામાં આવી રહ્યા છે. પરંતુ તેની અસર ઓછી જ હોય તેવું લાગી રહ્યું છે.
