- પોલીસ દ્વારા 4 કાર અને 1 બુલેટ કબજે કરવામાં આવ્યા છે
- દારૂની મહેફિલ વિશે પોલીસને જાણ થતા રેડ કરવામાં આવી હતી
- મહેમાનગતિ કરી રહેલા 2 અન્ય આરોપીઓની પણ ધરપકડ થઇ
શહેરનાં ગોરવા પાસેનાં ઍક ફાર્મ હાઉસમાં ગઈકાલે રાતે વરસાદી માહોલનો આનંદ માણવા માટે ફાર્મ હાઉસનાં માલીક અંકિત પટેલ દ્રારા મિત્રોને બોલાવીને દારૂની મહેફીલનું આયોજન કર્યું હતુ. જેની ગોરવા પોલીસને જાણ થતાં રેડ કરવામાં આવી હતી. પોલીસે સ્થળ ઉપરથી 6 વ્યક્તિઓની દારૂનો નશો કરેલી હાલતમાં ધરપકડ કરી હતી.
આ સિવાય તેમની મહેમાનગતિ કરી રહેલા 2 અન્ય આરોપીઓની પણ ધરપકડ કરવામાં આવી હતી. ધરપકડ કરાયેલા આરોપી ઓમાં ફાર્મ હાઉસના માલિક અંકિત સુરેશભાઈ પટેલ (રહેવાસી દ્વારકેશ બંગલો ગોરવા ) ભૌમિક ધીરુભાઈ પટેલ (રહેવાસી સેન્ડલ વુડ રેસીડેન્સી બીપીસી રોડ)પાર્થ ચેતનભાઇ પૂરોહિત (રહેવાસી અર્પિતા પાર્ક ગોત્રી) અંકિતકુમાર વિજયસિંહ પરમાર (રહેવાસી સૌરભ પાર્ક ગોરવા )જય કિરીટભાઈ પટેલ (રહેવાસી મંગલ દર્શન સોસાયટી જાડેશ્વર રોડ ભરૂચ) તથા હેમાંગ કુમાર જાની (રહેવાસી શાંતિ પાર્ક સોસાયટી વાસણા રોડ)નો સમાવેશ થાય છે.
