- લાખોની કિંમતનો દુકાનમાં રહેલો સામાન બળીને ખાખ
- ભરૂચ પાલિકાના બે ફાયર ફાઈટરો દ્વારા આગને કાબૂમાં લેવાઈ
- નવા તવરા ગામે દુકાનમાં શોર્ટ સર્કિટથી આગ લાગી હતી
ભરૂચ તાલુકાના નવા તવરા ગામે શૈલેષ ઠાકોર મોદીના દુકાનમાં આજે વહેલી સવારે 3 વાગ્યાના અરસામાં દુકાનમાં શોર્ટ સર્કિટના કારણે આગ લાગતા સંપુર્ણ દુકાન બળીને ખાખ થઈ ગઈ હતી. દુકાનમાં રહેલી સામગ્રીઓ સહિત બે ફ્રીજ પણ બળીને ખાખ થઈ ગયા હતા.
વધુ વિગતે જોતા આજે વહેલી સવારના 3 વાગ્યાના અરસામાં શૈલેષભાઈ ઠાકોરભાઈ મોદીના ઘરમાં રહેલી દુકાનમાં આજે વહેલી સવાર આગ લાગી હતી જો કે તેઓ મકાનના બીજા માળે સુતા હતા જેને લઈ તેઓને પણ આગની જાણ થઈ ન હતી આગની 15 થી 20 મિનિટ બાદ સામે રહેલા વ્યકિતઓએ તેઓને બુમ પાડી જણાવ્યુ હતુ કે, તમારી દુકાનમા આગ લાગી છે જે જોઈ તેઓ તરત જ બહાર નીકળ્યા હતા અને ઘરમાં રહેલ ચારેય વ્યકિતઓ ઘરમાંથી બહાર નીકળવાના પ્રયાસો કર્યા હતા જો કે ભારે જહેમત બાદ તેઓ સહી સલામત બહાર નીકળ્યા હતા અને ત્યારબાદ તેઓએ ભરૂચ નગરપાલિકાના ફાયર ફાઈટરને જાણ કરતા ભરૂચ પાલિકાના બે ફાયર બંબા તાત્કાલિક પહોંચતા દુકાનમાં લાગેલી આગ પર કાબુ મેળવ્યો હતો. જો કે આ ઘટનામાં કોઈ પ્રકારની જાનહાની થવા પામી ન હતી પરંતુ દુકાનમાં રહેલો લાખોની કિંમતનો માલ સામાન બળીને ખાખ થઈ ગયો હતો. ત્યારે નવા તવરા ગામે દુકાન માં આગ લાગી હોવાના મેસેજ ફરતા ગામ લોકોના ટોરેટોરા ઘટના સ્થળ પર પહોચી ગયા હતા.
