- ગોધરામાં પણ ફરિયાદ અંગે તપાસ શરૂ
- કોર્ટમાં પોલીસે 7 દિવસના રિમાન્ડની માંગણી કરી
- મોબાઈલમાં હિસાબ કોર્ડ વર્ડમાં લખ્યો હોવાની પણ વિગતો
ગાંધીનગર સેશન્સ કોર્ટમાં પૂર્વ IAS એસ.કે.લાંગાને રજુ કરવામાં આવ્યો હતો. જ્યાં કોર્ટે તેના 4 દિવસના રિમાન્ડ મંજૂર કર્યા છે. આ પહેલાં લાંગાની તપાસ દરમિયાન ઘણાં મહત્વપૂર્ણ ખુલાસાઓ પણ સામે આવ્યા છે. જેમાં તેનો પરિવાર વિદેશમાં જતો રહ્યો હોવાની વિગતો પણ સામે આવી રહી છે.
આ દરમિયાન કોર્ટમાં પોલીસ તરફથી લાંગાના મોબાઈલની તપાસ જરૂરી છે. તેવું પણ જણાવ્યું છે તેમજ મોબાઈલમાં કેટલાંક હિસાબો કોર્ડ વર્ડમાં લખ્યા હોવાનું પણ સામે આવ્યું છે. આ સાથ જ પોલીસે તત્કાલીન RAC અને ચિટનીશને સાથે રાખીને તપાસ કરી છે. જેમાં ઘણાં પોલીસ અધિકારીઓના પણ નામ આવે તેવી શક્યતાઓ જોવા મળી રહી છે.
લાંગાના મોબાઈલમાંથી ઘણી અન્ય માહિતીઓ પણ સામે આવી રહી છે. જેના પર પણ કોર્ટમાં રજુઆત કરવામાં આવી છે. જેમાં લાંગાના મોબાઈલમાં હિસાબ કોર્ડ વર્ડમાં લખ્યો હોવાની પણ વિગતો સામે આવી રહી છે જેના માટે લાંગાના રિમાન્ડ વધારવાની માંગણી કરવામાં આવી હતી.
જ્યારે બીજી તરફ લાંગા વિરુદ્ધ ગોધરાના B ડિવિઝનમાં નોંધાવવામાં આવેલી ફરીયાદમાં એસકે લાંગા આરોપી હતા. આ દરમિયાન લાંગા આ માટે ગોધરા ખાતે હાજરી ભરવા માટે આવતા હતા. ગાંધીનગરના કેસમાં પૂર્વ IAS અધિકારી લાંગા વોન્ટેડ આરોપી હતા. આમ છતાં B ડિવિઝન પોલીસ સ્ટેશનના PI રાહુલ રાજપૂત દ્વારા બેદરકારી દાખવી હતી અને વોન્ટેડ આરોપી તરીકે જાણકારી ગાંધીનગર પોલીસને કરી નહોતી. કેસની તપાસ કરી રહેલા DySP પીઆર રાઠોડ અને PI રાહુલ રાજપૂત દ્વારા બેદરકારી દાખવવાનુ સામે આવ્યુ છે. જેને લઈ DySP રાઠોડ પાસેથી તપાસ લઈ લેવામાં આવી છે. આ તપાસ હવે ગોધરા હેડક્વાર્ટર DySP એસબી કુંપાવતને સોંપવામાં આવી છે.
