Dwarkaના કલ્યાણપુરમાં પાણીમાં સ્કૂલ બસ અટવાતા વિધાર્થીઓનુ રેસ્કયુ કરાયું

• નદીઓમાં પૂર આવતા સ્કૂલ બસ અટવાઈ
  
• વિધાર્થીઓ ભરેલી સ્કૂલ બસ અટવાતા જેસીબીની લેવાઈ મદદ
• દ્રારકા અને કલ્યાણપુરના અનેક ગામો પાણીથી જળબંબાકાર

કલ્યાણપુર તાલુકાના મોટા આસોટા ગામે ધોધમાર વરસાદ વરસતા ગામની નદીઓમાં પુર આવતા વિધાર્થીઓ ભરેલી સ્કૂલ બસ અટકી હતી.સ્થાનિકો દ્વારા જેસીબી મશીનમા બાળકોને પુરના પાણીમાંથી બહાર લાવવામાં આવ્યા હતા.દેવભૂમિ દ્વારકા જિલ્લામાં વરસેલા ભારે વરસાદને કારણે અનેક ગ્રામ્ય વિસ્તારોમાં પૂરની સ્થિતિ સર્જાઈ હતી.

દ્રારકામાં 12 ડેમ ઓવરફલો થયા

દ્રારકામાં પડી રહેલ વરસાદને પગલે 12 ડેમ ઓવરફલો થયા છે.ખંભાળીયા તાલુકાના જીવાદોરી સમાન ઘી ડેમ ઓવર ફ્લો થયો હતો, ત્યારબાદ લોકો આ નજારો જોવા માટે ઉમટી પડયા હતા. મહાદેવીયા ડેમ, સિંહણ ડેમ, કંડોરણા ડેમ તેમજ કલ્યાણપુર તાલુકાના શેઢા ભાડથરી, ગઢકી અને સિંધણી ડેમમાં પાણીની આવક છતા છલકાયા છે. તેમજ ભાણવડ તાલુકાના વર્તુ-2, મીણસાર, વર્તુ-1, કબરકા, સોનમતી ડેમો પણ છલકાયા હતા. પડેલા ભારે વરસાદથી કલ્યાણપુર ખંભાળીયાના તમામ ચેકડેમો તળાવો તથા ડેમો પાણીથી ભરાઇ ગયા છે. પાણીની આવક છતા ખેડૂતોને પણ સિંચાઈમાં રાહતરૂપ થશે.

જાણો કયાં કેટલા ઈંચ વરસાદ નોંધાયો

▪️અંકલેશ્વર અને હાંસોટમાં 4-4 ઈંચ વરસાદ

▪️તિલકવાડા, નાંદોદમાં સાડા 3 ઈંચ વરસાદ

▪️જોડિયા, વાલિયા, માંગરોળમાં 3-3 ઈંચ વરસાદ

▪️મહુવા, બગસરા, નસવાડીમાં અઢી ઈંચ વરસાદ

▪️ઉમરપાડા, નેત્રંગ, લાખણી, ડેડિયાપાડા 2-2 ઈંચ

▪️વાલોડ, કુકરમુંડા, બારડોલી, નવસારી પોણા 2 ઈંચ

▪️ગરુડેશ્વર, રાણાવાવ, સિનોરમાં દોઢ ઈંચ વરસાદ

▪️સાગબારા, સોનગઢ, પલસાણામાં દોઢ ઈંચ

▪️દિયોદર, કાંકરેજ, વાગરા, માંડવીમાં દોઢ ઈંચ

▪️કામરેજ, લોધિકા, જામજોધપુરમાં દોઢ ઈંચ વરસાદ

▪️વ્યારા, કુંકાવાવ, પોરબંદર, જલાલપોરમાં 1-1 ઈંચ

▪️સુરત શહેર અને ગોંડલમાં 1-1 ઈંચ વરસાદ

બે કલાકમાં રાજ્યના 96 તાલુકામાં વરસાદ

છેલ્લા બે કલાકમાં બોરસદમાં 8 ઈંચ વરસાદ

નર્મદાના તિલકવાડામાં સાડા 7 ઈંચ વરસાદ

ભરૂચ સાડા 6 ઈંચ વરસાદથી જળબંબાકાર

નસવાડીમાં સાડા 5 ઈંચ વરસાદ વરસ્યો

ઝઘડિયા અને હાંસોટમાં સાડા 4 ઈંચ વરસાદ

નાંદોદ અને અંકલેશ્વરમાં સાડા 4 ઈંચ વરસાદ

જોડિયા, વાગરા, શિનોરમાં સાડા 3 ઈંચ

વાલિયા, માંગરોળ, વડોદરામાં સાડા 3 ઈંચ

ગરૂડેશ્વર, મહુવા, બગસરામાં પોણા 3 ઈંચ

નેત્રંગ, ઉમરપાડા, પાદરા, ડેડિયાપાડામાં અઢી ઈંચ

આંકલાવ, લાખણી, ધોરાજીમાં 2-2 ઈંચ વરસાદ

છોટાઉદેપુર, પંચમહાલ, મહીસાગરમાં યલો એલર્ટ

નર્મદા, ભરૂચ, ડાંગ, તાપી અને રાજકોટ, જામનગર, સોમનાથ તથા બોટાદ, ભાવનગર, અમરેલી તથા કચ્છ અને સુરેન્દ્રનગરમાં વરસાદનું ઓરેન્જ એલર્ટ છે. અમદાવાદ, ગાંધીનગર, વડોદરામાં ભારે વરસાદની આગાહી છે. બનાસકાંઠા, પાટણ, મહેસાણા તથા સાબરકાંઠા, આણંદ, ખેડા, દાહોદમાં વરસાદનું યલો એલર્ટ છે .તેમજ છોટા ઉદેપુર, પંચમહાલ, મહીસાગરમાં પણ યલો એલર્ટ છે. સૌરાષ્ટ્ર બાદ છેલ્લા બે દિવસથી દક્ષિણ ગુજરાતમાં જોરદાર વરસાદ પડી રહ્યો છે. સુરત, નવસારી સહિત અન્ય જિલ્લામાં ભારે વરસાદ પડ્યો છે. વરસાદને કારણે અનેક નદીઓ ગાંડી બની છે. અનેક ગામોમાં પાણી ભરાયા છે.

જૂનાગઢના તમામ ડેમો ઓવરફલો

ભારે વરસાદને પગલે જૂનાગઢના તમામ ડેમોમાં નવા વરસાદી પાણી આવ્યા છે અને ડેમ ઓવરફલો થયા છે.બાંટવા ખારો, ઓઝત-2, ઓઝત વંથલી, ઓઝત શાપુર, સાબલી, આંબાજળ, ઓઝત વિયર આણંદપૂર, ઉબેણ વિયર કેરાળા, ભાખરવડ, મધરડી, શેરડી, મધુવંતી, ધ્રાફડ અને વ્રજમી સહિત 14 ઓવરફલો થયા છે.