શહેરના વિવિધ વિસ્તારોમાં એસ્ટેટ વિભાગની ટીમ દ્વારા કામગીરી કરવામાં આવી રહી છે. જેમાં ખાડિયામાં લાંબા સમયથી ગેરકાયદેસર બાંધકામ અંગેના વિવાદ સામે આવી રહ્યા છે.
આ વચ્ચે દાંડીગરની પોળમાં કુત્બી મોહલ્લામાં લાંબા સમયથી ગેરકાયદેસર રહેણાંક બાંધકામ ઉભુ કરવામાં આવ્યું હતું. જેમાં ગ્રાઉન્ડ ફ્લોરથી સેકન્ડ ફ્લોર સુધીનું 3230 ચો.ફૂટનું બાંધકામ ઉભું કરી દેવામાં આવ્યું હતું. આ માટે મધ્ય ઝોનના એસ્ટેટ વિભાગની ટીમ દ્વારા 28 ફેબ્રુ. તથા 21 માર્ચના રોજ સીલ મારીને નોટિસ ફટકારવામાં આવી હતી. જેને હટાવવામાં ન આવતાં આખરે 2 એપ્રિલના રોજ દબાણ ખાતાની ટીમે કાલુપુર પોલીસની ટીમને સાથે રાખીને કામગીરી હાથે ધરી હતી. જેમાં ગેરકાયદેસર બાંધકામનો ભાગ તોડી પાડવામાં આવ્યો છે.
