નવી શિક્ષણનીતિ અંતર્ગત વિદ્યાર્થીઓ પ્રેક્ટિકલ શિક્ષણ મેળવી શકે એ માટે યુનિવર્સિટી ગ્રાન્ટ કમિશન (UGC) દ્વારા આયોજન કરવામાં આવ્યું છે. વિદ્યાર્થીઓ અભ્યાસ સાથે ઈન્ટર્નશીપ પણ કરી શકે એ મુજબના ડિગ્રી કોર્સનો યુજીસી દ્વારા એક ડ્રાફ્ટ તૈયાર કરાયો છે.
યુજીસી દ્વારા એપ્રેન્ટીશીપ ઇમ્બેડેડ ડિગ્રી પ્રોગ્રામ (AEDP) તૈયાર કરાયો છે, જે આગામી નવા વર્ષથી વિદ્યાર્થીઓને ઓફર કરવામાં આવશે. યુનિવર્સિટી ગ્રાન્ટ કમિશન (યુજીસી) દ્વારા હવે નવી એજ્યુકેશન પોલિસી અંતર્ગત વિદ્યાર્થીઓ અભ્યાસ સાથે ઇન્ટર્નશીપ કરી શકે તે પ્રકારના સ્પેશિલ ડિગ્રી કોર્સ માટેનો ડ્રાફ્ટ તૈયાર કરાયો છે. ગત તા.3 ઓક્ટોબરના રોજ મળેલી યુજીસીની બેઠકમાં લેવાયેલા નિર્ણય મુજબ વિદ્યાર્થીઓને અભ્યાસ સાથે ઈન્ટર્નશીપ થઈ શકે એ મુજબના કોર્સ અંગેની ગાઈડલાઈન આગામી દિવસોમાં યુજીસીની વેબસાઇટ પર મુકવામાં આવશે અને સંબંધિત પાસેથી મંતવ્યો પણ મંગાવવામાં આવશે. એપ્રેન્ટીશીપ ઇમ્બેડેડ ડિગ્રી પ્રોગ્રામ (AEDP)માં વિદ્યાર્થીઓને અભ્યાસની સાથે પ્રેક્ટિકલ જ્ઞાન મળી રહે તે માટે આ પ્રકારનું આયોજન કરવામાં આવ્યું છે. આગામી વર્ષ 2025 દરમિયાન નવા શૈક્ષણિક સત્રથી આ પ્રકારના કોર્સ શરૂ કરાય તેવી શક્યતા છે.
