આ ઉતરાયણ પર પતંગરસિયાઓના બજેટમાં કમ સે કમ 20 ટકા વધારો નક્કી

• ખંભાતના લોકપ્રિય પતંગો બજારમાં આવવાના શરૂ
  
  
  
• છૂટક પતંગોની કિંમતો વધી, કિનિયાર બાંધેલાની માગમાં ઉછાળો
• વેપારીઓના કહેવા પ્રમાણે કાગળ, વાંસની સળીના ભાવમાં 20 ટકાનો વધારો થયો

ઉતરાયણની મજા લેવા માટે પંતગરસિકો આતુર થઈ ગયા છે ત્યારે હાલમાં માર્કેટમાં વિવિધ જાતના પતંગોની બોલબાલા છે અને જે લોકો વર્ષોથી પતંગ ચગાવે છે તે લોકો વિવિધ પ્રકારના પતંગ ખરીદવાનો આગ્રહ રાખે છે. હાલમાં માર્કેટમાં ખંભાતના બનાવેલા પતંગથી માંડીને વિવિધ પ્રકારના પંતગો બજારમાં જોવા મળી રહ્યા છે જે ખરીદવા છેલ્લા દિવસે લોકો ઉમટી પડયા છે. પતંગના રો મટિરિયલમાં ભાવ વધ્યા છે. વેપારીઓના કહેવા પ્રમાણે કાગળ, વાંસની સળીના ભાવમાં 20 ટકાનો વધારો થયો છે. જથ્થાબંધ પતંગમાં ભાવ વધારાથી છૂટક પતંગના ભાવોમાં દસ ટકા સુધીનો વધારો થયો છે. જો કે,કીનાયર બાંધેલા પંતગોની માંગ વધુ છે.જેના લીધે અત્યારથી કીનીયાર બાંધવા માટે વેપારીઓ એડવાન્સમાં ઓડરો મેળવી લીધા છે. પંતગ રસીયાઓ વિવિધ પ્રકારના પંતગોની સાથે નાની અને મોટી ચીલ પંતગો ખાસ ખરીદતા હોય છે. આ પંતગ ગમે તેવી હવામાં ઉડાડી શકાય છે અને પંતગ ખેંચીના કાપવામાં સરળ રહે છે.

પતંગના પ્રકારો

આંખેદારઃ આ પતંગમાં ઢઢાની બંને બાજુ ગોળ ચકરડાં હોય છે અને કેટલાકમાં આંખો જેવો આકાર હોવાથી તે આંખેદાર કહેવાય છે.

ઢાલ પતંગ : ઢાલ પતંગ સામન્ય પતંગ કરતા ખૂબ જ મોટો હોય છે પહેલાના સમયમાં લોકો આવા પતંગ ઉપર તુક્કલ ચગાવાત હતા.

ચીલ : આ પતંગ ઉપરથી મોટો અને નીચેથી થોડો સાંકડો હોય છે જે આકાશમાં ચગે ત્યારે દૂરથી સમડી ઉડતી હોય તેવું લાગે છે.

ફૂદ્દી : ફૂદ્દી પતંગ ખાસ તો નાના બાળકો માટે વપરાય છે આ નાના પતંગ બાળકો માટે હવે કાર્ટૂન કેરેક્ટરની ડિઝાઇનમાં મળે છે.

આ ઉપરાંત ઉતરાયણમાં ઘેંસિયો, લબૂકિયો ટાઇપના પતંગના પ્રકાર પણ ઘણા જાણીતા છે.

ચાંદેદાર પતંગચાંદેદાર પતંગમાં વચ્ચોવચ અર્ધચંદ્રાકાર દોરેલા હોય છે અને ખાસ કરીને તે બ્લેક રંગથી દોરવામાં આવે છે.

ચંદરવો : આ પંતગમાં બે રંગના આડા પટ્ટાની ડિઝાઇન હોય છે.

ઉતરાયણ હોય ત્યારે ચોક્કસપણે કેટલાક શબ્દો અચૂક સાંભળવા મળતા હોય છે ખાસ કરીને પિલ્લુ, લચ્છા, ફીરકી, લપેટ, કાપ્યો છે, જેવા શબ્દો બે દવિસ દરમિયાન ખૂબ સાંભળવા મળે છે.