- આદિવાસી પંથકમાં શિક્ષણ આલમને કલંકિત કરતી ઘટના બની
- જિલ્લા અને તાલુકામાં સોશિયલ મીડિયામાં વીડિયો વાઇરલ થતાં મચેલો ભારે ઉહાપોહ
- છોટાઉદેપુર જિલ્લામાં પ્રા.શાળાના માસૂમ વિદ્યાર્થીઓ પાસે શૌચાલય સાફ્ કરાવતાનો વીડિયો વાઇરલ થયો હતો.
છોટાઉદેપુરના આદિવાસી પંથકમાં આવેલી પ્રાથમિક શાળાના સ્ટાફ્ દ્વારા માસુમ વિદ્યાર્થીઓ પાસે શાળાના જાજરૂ બાથરૂમ સાફ્ કરાવાતા હોવાણીની ઘટનાએ આદિવાસી પંથકમાં ચકચાર જગાવી છે.
છોટાઉદેપુર જિલ્લામાં નસવાડી તાલુકાના હમીરપુરા પ્રા.શાળામાં અભ્યાસ કરતા વિદ્યાર્થીઓનો આ વીડિયો હોવાનું જાણવા મળ્યું છે. આદિવાસી પંથકની ગ્રામ્ય વિસ્તારની શાળાઓમાં આદિવાસી માસૂમ વિદ્યાર્થીઓ પાસે કરાવવામાં આવતું આ કામ કેટલું યોગ્ય કહેવાય તેવા પ્રશ્નો પ્રજામાં ચર્ચાઈ રહ્યું છે. સરકાર દ્વારા શાળાના જાજરૂ બાથરૂમ સાફ્ સાફ્ કરવા માટે વિશેષ રકમ ફળવાય છે. છતાં માસુમ વિદ્યાર્થીઓ પાસે જાજરૂ બાથરૂમ સાફ્ કરાવનાર શાળાના સ્ટાફ્ સામે પ્રજામાં અનેક સવાલો ઉઠી રહ્યાં છે. એક બાજુ ગુજરાત સરકાર ગામડે ગામડે જઈ શાળા પ્રવેશોત્સવ યોજી આદિવાસી પંથકમાં આદિવાસી સમાજના બાળકો ભણે તેવા પ્રયાસ કરી રહી છે. જયારે બીજી બાજુ ગ્રામ્ય વિસ્તારની શાળાના કર્મચારીઓ આદિવાસી વિદ્યાર્થીઓ પાસે આવું હીન કામ કરાવી આવનારી પેઢીને કઈ દિશામાં લઇ જઈ રહ્યા છે તે જ સમજાતું નથી. આવા સમયે આદિવાસી માસૂમ વિદ્યાર્થીઓ સાફ્ સફાઈ કરવા આવે છે કે, પછી અભ્યાસ કરવા માટે ? તે પણ સવાલ ઉભો થાય છે.
